Ermiyaas 22:17 - NABUWWA KEE MALIKWA

¹⁷ koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 22:17 ပူးပေါင်းရင်းမြစ်များ

1 Malikwa 21:19

Too waqdi yooy YALLAH yani annah kaak axcem kaah waris. ‹Atu num qiddeh, kay midir isih haysitteh. Hununuh kuuta Nabot qabala elle muxuuqak sugte aracal, ku qabala kaadu muxuuqele› kaak inxic» iyye.

2 Malikwa 23:37

Yahoyaakim isi kaxxa abbobtik kaxxih, YALLAL dambi lem baahak suge.

2 Aydaad 36:8

Wohuk kalah taniimiy Yahoyaakim abba heehiyyak umâ-yabulih tanim kee aaminnaanimiy edde asehiyyah agantah, ‹‹Israayil kee Yuudâ Malikwah Aydaada›› deqsitta kitaabal tan. Kay lakal kay baxay migaaqah Yahoyaasin deqsitak yenehiyya malik yekke.

Yasaqya 56:11

Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Ermiyaas 17:11

Qagseh, «Lakqo gita-maliinol geya num naala xale waa kimbiirih bis le. Tonnah yan num qumrik garabah yamaate saaku, gaddaliinok luk suggu 'yeemik foyyal raaqa. Ellecabol duqur yakke» iyye.

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Ermiyaas 6:6

YALLAY Nabaamak Nabahiyya a malikwa amriseeh; Malikwak, «Coox irgiqay Yarusalaam-magaalat maroh tan gaso taggileeni'gidih, too gasot xakabuh coox kee xeet tittin bagul haa. A magaalah addal sinaamat mango xukko tekkeeh, tohuk gexxaamah tet digaaleyyo» iyye.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 19:6

Yembeeh kaxxa lubak yekke. Lubooka lih gexam baahe; sahda qideh yakmem baahe.

Yacedkel 19:7

Megdebwa inkih yiggiggile; magaalooli abur abeh yen. Kaak gardo yaabbeh yen mari elle yani'kkel cunxite.

Yacedkel 19:9

Sanat birta kaak hayya heen; birti qarit kaa hayya heen; Baabelon malik fan kaa been. Israayil fan 'kah gexe waah, kay gardo antaabbe wayta'gid, casbik addat kaa yoxeenih.

Yacedkel 22:6

Israayil abbobtiy ku addal tanihiyya, abbootan loonum isinnik abaluk, ummat qidan.

Yacedkel 33:31

Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.

Miika 2:2

Marin buqreh baaxo isinnih faxxan waqdi, le marak bukkoh beytan. Marin qarwa faxxan waqdi bukkoh beytan. Sinaamat xukkutak, midir kee ikoyta caylah keenik beytan» iyye.

Miika 3:10

Yarusalaam Yallih magaalaay; away tet elle xissaanam, qabal-cayxi kee qadaalat sinna.

Xafanya 3:3

Tet addal tan doolatat taamitta abbobti, qulule lubaakih innah, baaxo meekitan. Tet addal tan cokmi abeenit, maaci edde maacise barugak cayye wayte suulah innah gacan.

Yoosuwa 7:21

Dannabah orbisne duyyeh addat qax-meqe Baabelon marih rarayto kee namma kiilo takke lakqo kee kiilok garab yakke dahab uble waqdi, ossokooteh innih haysite. Too duyye yi siraqih addat ubkuneh abbixe. Lakqo guba akak heeh abbixeeh, tokket daanah siinih sugele. Ta duyye elle beem tama'nna» iyye.

1 Samuwel 8:3

Tonna'mmay, oson isinni abbah gita kataata marak manannon. Lakqô-fayxi kaxxam luk yenen. Tonna-leemiik sahdak guqul beyak yeneeniih, ummattah yab gitah meklak manannon.