Ermiyaas 22:16 - NABUWWA KEE MALIKWA

¹⁶ Masaakiina kee tu'dagoytiitih cakki aba numuk ten. Tohuk gexxaamah abinnaanim gabal kaak bicak ten. Tonnah tanim abtam yoo yaaxige numu'mmay,

Ermiyaas 22:16 ပူးပေါင်းရင်းမြစ်များ

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Ermiyaas 5:28

Gabul akah loonuuh akah aroodaanam tohu. Ken umaane caddo cabteh. Qayxiixah, le cakki mayacaanaay xukkot yan marah qadaalatal mayackuman.

Ermiyaas 9:16

Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.

Ermiyaas 9:24

Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

Miika 6:8

YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

1 Samuwel 2:2

YALLAY taahirik yanik sah yalli mayan. YALLIH bis lem matan. Nee dacrissam Yalla; kaak sa reebu mannu.