Ermiyaas 22:15 - NABUWWA KEE MALIKWA

¹⁵ Hay tah abam faxa numow, tah abtam kaxxa malik koo abelem maay takkale? Ku abba meqe manoh sugeeh qadaalat kee maqaane le numuk ten. Tohuk gexxaamah abinnaanim gabal kaak bicak ten.

Ermiyaas 22:15 ပူးပေါင်းရင်းမြစ်များ

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

1 Malikwa 10:9

YALLAY ku Dagelta kinni fayla taafay. Yalli isi mara xiinisa malikih koo doore waqdi, kot ruffa iyyem yuybulleeh. Toh akah abem, isi ummatta Israayil kulli way kicnaamih taagah, atu qadli kee cakkit ken xiinissa'gidi» inte.

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

2 Malikwa 23:25

Kaak duma kay inna le malikiy Yalli-Muusal-oobise-kitab inxicca 'yam inkih abahiyya masuginnaay; usuk dudda haam kee niyak elli haamak isi Dagelta yuqbude. Kay lakal kaadu kay inna le malik magacinna.

1 Aydaad 3:15

Yoosiyaahu lab-xaylok ferey xaleeh; Yocanan kee Yahoyaakim kee Xidkiya kee Sallum deqsitak yenen.

2 Aydaad 34:2

YALLI kicna taama abak yen. Isi kaxxa abba Dawuduk kaxxih Yallih gita kataatak yeneeh, agaagul sinnim Yallih xinto intam abak yen.

2 Aydaad 35:22

Takkay immay Yoosiyaahu qeebi kaat abaamal malseeh; tonna-leemiik Yallih yaabay Nako kaah warsahiyya cinna heeh qeebi gexoh ugte. Sarrak Magiddo deqsitta booxa fanah, kaa yaaxigeenimik aki num cella heeh, carbih gexe.

2 Aydaad 35:26

Yoosiyaahu abba heemik YALLAH abe qibaada kee Yallih amri elle oggolak suge inna kee, tonnah kaadu, qimbooy ellecaboh usuk abba heem inkih, «Israayil kee Yuudâ-Malikwah Aydaada» deqsita kitaabih addal tan.

Yasaqya 3:10

Cakki bagul yan marak, «Kullim siinil amqele» inxica. Akah taamiteenim geeloonuuh, ruffu edde axcelon.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 22:18

Tohu'mmay YALLI kok iyyaamah, «Yoosiyaahû-Yahoyaakimow, ku rabah num weeqe waama. ‹Woyyow ni toobokoytaw› axcuk koh boogise waanama. ‹Woyyow, Yi amoytaw! Yi malikow!› iyyaah koh weeqe num ane waama.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 23:5

Qagseh iyyeemih, «Dawuduk radeeh cakki gitat gexa malik siinih edde reedisu waa ayroora amaatele. Too malikiy Dawud-Luddal muggaaqisaanahiyya reedu waa saaku, ummat kasat xiinisaah qadaalat le malik akkele. Baaxo qadaalatat xiinisele.

Ermiyaas 42:6

Fannaah, faxe waynaamah, YALLAY ni Dageltah yani nek aba iyyem abenno. YALLA neh kallac; ninnih kok inne'kkal, kay yab macinna. Kay yab oggollek, kullim nel amqelem naaxigeh» kaak iyyen.

Ermiyaas 7:5

YALLI iyyemii, «Edde tanin gitak nummah katteeniih, abtan taamak nummah raqteeniih, gitah titta lih taamita mara nummah tekkeeniih,