Ermiyaas 21:9 - NABUWWA KEE MALIKWA

⁹ Ama magaalah addal raaqu waa mari carbi kee qulul kee dalkah rabele. Takkay immay magaalah addak eweqqa 'yeh magaala marot yabbixe maral gaba yecee num rabak cattiimeleeh, isi rooci wadele.

Ermiyaas 21:9 ပူးပေါင်းရင်းမြစ်များ

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 24:10

Duma ken kaxxa abbobtih ecee baaxoy away oson elle yaniinihiyyal saabo cabba haanam fanah, way carbiiy, way qululuuy, way kaadu dalka keenit ruubak, sella ken heeyyo› 'yaanam yok iyye» iyye.

Ermiyaas 27:11

Takkay immay faxe baaxoh mari, Baabelon malik keenil yabbixe *madmad cine waanaah usuk keenik aba iyyam abeenik, tonnal isinni baaxol elle yanoonay ken axceyyo. Isi buqre yabqureeh isi baaxol yan mara ken abeyyo. Baaxok ken masgayya. Tahamat yabtam yoo YALLA› keenik inxic» yok iyye.

Ermiyaas 27:12

Woo farmo woo marah warse waqdi, Yuudâ-malikih yen Xidkiyah kaadu too farmo warseeh; kaak excemii, «Baabelon malik fillal kok hayu waa madmad macinin. Kaa kee kay marih yab macininay kok iyyaanam ab. Tonnal rabak cattimetto.

Ermiyaas 27:13

Is kee isi mara carbi kee qulul kee dalkat maselin. Baabelon-malikih yab cinu waa mara carbi kee qulul kee dalkat seleyyo, 'yaanam YALLI dumaak iyyek, is kee isi mara maselsiisin.

Ermiyaas 38:2

Ermiyaas iyyeemih, «A magaalal suginnaan num carbit-rabiiy qululuh-rabiiy, hinnay kaadu, dalkah-rabi akkele. Wonna hinna'mmay, Baabelon-mara fan gexxa 'yeh gaba keenil yacee num waddiimele.

Ermiyaas 38:3

A magaala Baabelon mari carbit abbixeleeh ken gabat gacele. Toh yok intem YALLA» keenik iyye.

Ermiyaas 39:18

Amaanah koo raaqiseyyooh; koo maqidan. Yoo taamineemih sabbatah amaanah asillimetto. Tahat yabtam yoo YALLA› 'yaanam kaak inxic» kaak iyyeh yen.

Ermiyaas 45:5

Hay, rooci lem inkih digaalu waa saaku, koh rikeek abu waam mayyu'mmay, faxe ikke gexxa way, gexinnaan baaxol kot rooci yasallamay axceyyo. Tonni faxeemi'mmay, kaxxa numuy migaq-gexxo le yoo ablele 'yaanamah yot maqaagin› 'yaanam kok iyye» kaak iyye.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.