Ermiyaas 21:7 - NABUWWA KEE MALIKWA

⁷ Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 21:7 ပူးပေါင်းရင်းမြစ်များ

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Ermiyaas 13:14

Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

Ermiyaas 15:5

YALLI iyyemii, «Yarusalaam marak, aham siinit takke saaku, siinih xuwawtu waytam iyyay? Siinih rookittu waytam iyyay? ‹A marat tekkem macaay› axcuk, dagooh gide kinni way sin essera mara maay geetton?

Ermiyaas 15:9

Xaylok malciin le inak malciin rabeleeh, is wariggah qawlele. Laqo bari bis teetil akkele. Sinam burutta barray kulli way niya akak baxaqta akkele. Rabak raaqu waa mara keenik carbi gadda abeyyo. Tahat yabtam yoo YALLA kinni» iyye.

Ermiyaas 19:7

« ‹Ta aracal Yuuda kee Yarusalaam mari abba haa mala keenik foyya abeyyo. Ken naqboytit qeebih keenik aysiiseyyo. Carbit ken qidsiiseyyo. Raysa keenik guma kee garboh alluwwah maaqo abeyyo.

Ermiyaas 20:4

«YALLI, ‹Isi nabsi kee isi kataysisih nabsit cunxo qida num koo abeyyo› 'yaanam ku giddinaamak kok iyyeh yan. ‹Kaadu ku kataysis keenik naqboytiitih yan marih gabat rabeloonuuh; toh isi intih abletto. Yuudâ-mari inkih Baabelon-malikih gabat radele. Too malik carbit yibbixe marak garab seewah isi baaxo beele. Wohuk raqtem seefit selele.

Ermiyaas 22:25

akak meysitta maray koo qidam faxah gabal koo haak en. Taway kinni way too marih gabal koo heeyyo. Malik-Nabkadnessar kee kay qaskarih gabal koo heeyyo.

Ermiyaas 27:6

A gid takke doolatwa inkih, Baabelon-malikiy migaaqah Nabkadnessar deqsitay yi naqasu kinnihiyyah gubat haytem yoo. Dubaala kinni-way kay gubat xiiniseyyo.

Ermiyaas 32:4

‹Too saaku koo kaadu too malikih gabal heeyyooh tassillimem faxxaamah koh mabicta› kok iyye. ‹Baabelon maliki lih fooca kee foocah yaabettooh, isi namma intih kaa abletto.

Ermiyaas 34:3

Atu kaadu kay gabak mataftucaay matasillima. Tintixibbixek lakal, fooca kee foocah kaat angoorowettooh, isi afaak kaa'lih yaabetto. Tohuk lakal seewah Baabelon rasu fan koo beelon› kok iyyah yan, kaak inxic.

Ermiyaas 36:29

Malik Yahoyaakimik intamaa, ‹YALLI kok iyyaamah, Warkat cararisseeh; Ermiyaas a yab akah baaheeh, Baabelon malik a baaxo bayseleeh, a baaxol taniimik lac macabaay num macabay selele 'yaanam akah iyyem macaay inte'mmay,

Ermiyaas 37:17

Ayrok teena Malik-Xidkiya isi buxa kaa baaha iyyeeh, tokkel dibuk tani'kkel, «YALLAK temeete farmoh maca tan?» kaak iyye. Ermiyaas kaak iyyeemih, «Farmo tanih. Koo Baabelon malikih gabal heelon» kaak iyye.

Ermiyaas 50:17

YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Yacedkel 23:28

YALLAY Mulki lehiyya iyyeemih, «Atu niqibtooh, faxe wayta marih gabal koo heeyyo.

Yacedkel 7:9

Siinih maracmata. Siinih maxuwaawa. Abteenih tanin uma taamak gexxaamah, digaala raq siinik mali. Anu YALLA kinniyom kee, sin digaaltam yoo kinnim, too saaku aaxigetton, keenik inxic» yok iyye.

Yacedkel 8:18

Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.