Ermiyaas 21:6 - NABUWWA KEE MALIKWA

⁶ Ama magaalah addal rooci leemik tu macabaay; dalka keenit rubbu heeh too dalkat ken seleyyo.

Ermiyaas 21:6 ပူးပေါင်းရင်းမြစ်များ

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

Ermiyaas 16:4

Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

Ermiyaas 20:4

«YALLI, ‹Isi nabsi kee isi kataysisih nabsit cunxo qida num koo abeyyo› 'yaanam ku giddinaamak kok iyyeh yan. ‹Kaadu ku kataysis keenik naqboytiitih yan marih gabat rabeloonuuh; toh isi intih abletto. Yuudâ-mari inkih Baabelon-malikih gabat radele. Too malik carbit yibbixe marak garab seewah isi baaxo beele. Wohuk raqtem seefit selele.

Ermiyaas 32:24

« ‹Baabelon-mari Yarusalaam-magaala yabbixe'gidih, tet gasoosat xakabuh coox kee xeet tittin bagul heen. Addal teetik yan mari carbi kee qulul kee dalkâ-gadda yekkeeniih, tohuk gexxaamah ellecabol Baabelon malikil gaba ecee'kal maraaqan. Tah atu inteemiiy; away akah table'nnah, atu inxicca elle inte'nnal tekkeh.

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

Ermiyaas 36:29

Malik Yahoyaakimik intamaa, ‹YALLI kok iyyaamah, Warkat cararisseeh; Ermiyaas a yab akah baaheeh, Baabelon malik a baaxo bayseleeh, a baaxol taniimik lac macabaay num macabay selele 'yaanam akah iyyem macaay inte'mmay,

Ermiyaas 42:22

A yab cinteenik, siinit takku waytam siinih warisu waa. Taway gexxaanam faxxan baaxol, qulul kee carbi kee dalkah ambaxettoonum siinih warsa» keenik iyye.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 12:16

Ken yabbixu waa qeebi kee qulul kee dalkak dago mara keenik cateyyo. Toh akah abu waam, rabak raqte saabo duma abak sugeenim uma taama kinnim, fanat ken akah fixiixise marah warsaana'gidi. YALLA kinniyom too waqdi yok aaxigelon» yok iyye.

Yacedkel 14:13

«Bani-adantow, ayyuntak teeni yol yaaminem cabba heeh dambi le taamat ase kaa tekkek, tonnal gaba keenil heeyyooh, maaqo akak geyak sugen arooca keenik bayseyyo. Qulul ruubeyyooh; saq kee ummat akah tambaxe'nnah abeyyo.

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Yacedkel 14:19

«Hinnay kaadu, abeh an bagcarrah sahdat tabta dalka woo baaxol ruube yoo tekkeeh, too dalka ummat kee saq selte kaa tekkek,

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yacedkel 33:27

«Wohuk kalah keenik intaamah, ‹Yoo waara YALLAY Mulki lehiyya inni migaaqal xiibita'mmay, ama abuuruh tan magaaloolih addal yan mari ambaxele. Magaalak irol yan mara alluwwâ-gadda abeyyo. Qaleela kee gablah addat yombooqoreh yan mara biyak gadda abeyyo.

Yacedkel 33:29

Oson aben dambih, ken digaalu waah baaxo keenik bacari abu waa saaku, YALLA kinniyom yok aaxigelon› » iyye.

Yacedkel 7:15

«Giti addal tanim carbiiy; buxah addal tanim dalka kee qululu. Baaxok yawaqu waa num carbit rabele. Buxah addal sugu waa num, dalka kee qulul gadda akkele.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Xafanya 1:3

Alak Adam-baxaay alaakulleyti yenek, qaraanal haada kimbir yenek, hinnay kaadu kullum yenek, inkih bayseyyo. Makri-leela deerik afah korseyyo. Bani-adantu saabo cabsiiseyyo. Tahat yabtam yoo YALLA» iyye.