Ermiyaas 21:14 - NABUWWA KEE MALIKWA

¹⁴ Bahte umaaneh koo digaaleyyo. Malik qariy ku addal yanit gira ruubeyyo. Too gira kulli'kket gexeleeh, kullim gomboduh gacissa heele. Tahat yabtam yoo YALLA› 'yaanam yok iyye» iyye.

Ermiyaas 21:14 ပူးပေါင်းရင်းမြစ်များ

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Yasaqya 24:21

Too ayro YALLI qaraanal taniimiy cayla lehiyya qaraanal digaalele. Baaxô-bagul tan amoytitte kaadu digaalele.

Yasaqya 37:24

Farmo elle rubte maral Yallih-qayto ruubak sugte. ‹Faras-gaariirat gacca inneh, yoo kee yi qaskar Lubnaan qaleelay fayya le awaquk sugne. Lubnaan qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten *sariida ragidik irgiqe. Qalek kaxxam xer ikkel tan kaxxa garbo fanah gufeh en.

Ermiyaas 11:16

Mango ayyuufa kee meqe xaylo xalta *daytuun caxah migaaqal keenih seecak suge saaku liyoh immay, a saaku qaraanak obte kakkaqoh anay le xongolot ken carariseyyo» iyye.

Ermiyaas 17:10

Takkay immay sahdayti-afqadot tanim taaxigem, yoo YALLA. Sahdayti afqado tacsubeemik magarcita. Kulli numul le qamalih innal mekla; kulli numuk abto elle tan innal kaal mekla» iyye.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Ermiyaas 22:1

Ermiyaas kaadu iyyeemih, «YALLI yo'lih yaabeh iyyemii, Malik qari fan gexay intamaa:

Ermiyaas 22:7

Anu malik-qarih ruubu waa mari, godmat aagaruk, kaat tan qamidway *sariidak bicseeni kitittiffa heeloonuh, girat qidelon.

Ermiyaas 32:19

Abtam cubbil aba Dagelta kinnito. Atu abtam nabaamak naba. Sinam abba haytam inkih yable Dagelta kinnitooh, kulli marah le taamah innal mekelta.

Ermiyaas 50:32

Sin doolatay kaxxiinah moyya qaraanal haytahiyya andafoofelele. Tondofoofoleh annikissele. Tohuk wadir num sin muugusa. Sin magaaloolit gira ruubeyyo. Keenil sugga 'tem inkih too girah gadda akkele» iyye.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Ermiyaas 6:29

Yi mari girat laqlaqan birtay diyaaye cineeh, wasak akak kate cinehiyyah bis lon.

Ermiyaas 9:25

YALLI qagseh iyyemii, «Masri kee Yuuda kee Edom kee Qammon kee Mooyab kee, bacarih tan baaxol yan maray amô-xagor namma seltak isik yargiqehiyya edde digaalu waa wakti mamaatat yan. Ta mari yakkeemiik solot loonuuh immay, woo solot akah lon qahdi mayaaxigan. Ta mara kee Israayil marak yi qahdi num maxagurinna» 'yaanam iyye.

Yacedkel 21:3

Intaamah: YALLI, ‹Anu naqboytah kok aniih, seef sibak siibeh kol aniih; gitat yan mara kee umeynit tittak baxse'kal filla keenik kaleyyo.

Miika 7:13

Takkay immay too baaxooxa, teetil suge marih uma-taamak gexxaamah, bacari akkele.

Zakariyya 11:1

Lubnaaney, afa fak! Sarid cooxuy ku addal yanit gira gexxa'gidih afa fak.