Ermiyaas 21:10 - NABUWWA KEE MALIKWA

¹⁰ A magaala cabam mafaxay baysam faxa. Baabelon malikih gabat tet bayseyyo. Too malik carrissaay gomboduh gacissa tet heele. Tahat yabtam yoo YALLA› 'yaanam iyye» keenik exce.

Ermiyaas 21:10 ပူးပေါင်းရင်းမြစ်များ

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 33:5

Too qarwah adda yi bagcarra elle obte maray Baabelon mari selu waahiyyah raysak amaggele. Yoh tu gactek, yok catoh geyoonu waanam malon. Tet marih umaaneh, a magaalat ahaysa darre cabeh ikkal, yi cato mageyta.

Ermiyaas 34:2

YALLAY Israayil doore Dagelta kinnihiyya kok iyyeemih, «Gexay Yuudâ malikih yan Xidkiyak intaamah, YALLI, ‹A magaala Baabelon-malikih gabal heeyyo. Too malik Yarusalaamat gira ruubele.

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 38:17

Toh yoobbe waqdi, Ermiyaas kaak iyyeemih, «YALLAY, Nabaamak Naba Dageltay Israayil doore kinnuk, kok iyyem ah teeti. ‹Baabelon-qaskarih-abbobtil gaba teceek, rooci kok cattiimeleeh, a magaala kaadu girak cattiimele. Koo kee ku buxah marak inkih rooci cattiimele.

Ermiyaas 38:18

Woh hinna'mmay atu gaba acee waytek, a magaala Baabelon-malikih gabal gacele. Too mari gira teetit ruubele. Atu kaadu elle taawwe kabu mageyta› 'yaanam kok iyye» kaak iyye.

Ermiyaas 38:23

Kaadu qagseh kaak iyyeemih, «Gennaaqot lito agabu kee xaylo Baabelon marih gabal kok heelon. Atu kaadu elle taawwe kabu mageytaay, Baabelon-malik seewah koo beele. A magaalat gira ruubelon» kaak iyye.

Ermiyaas 38:3

A magaala Baabelon mari carbit abbixeleeh ken gabat gacele. Toh yok intem YALLA» keenik iyye.

Ermiyaas 39:16

Too saaku YALLI kaak iyyeemih, «Ama Kuusuh yooboke Qebedmelekik intaamah, ‹Yoo YALLAY Nabaamak Nabah, Israayil doore Dagelta kinnihiyya axceemih: Akah inxicca exce innah, a magaalal bala oobiseyyo ikkal, maqaane moobisa. Taham atu isi intih akkih abletto.

Ermiyaas 39:8

Too ayrot Baabelon mari, malik qari kee raqqa 'te ummatih qarwat inkih gira ruuben. Yarusalaamat maroh sugte gidaarwa inkih bututtukku heen.

Ermiyaas 44:11

« ‹Too umaaney abak sugteenik gexxaamah, yoo YALLAY Nabaamak Nabah, Israayil doore Dagelta kinnihiyya tahak wadir bala siinil oobiseyyom yok ixiga. Inkih tan Yuudah-ummat bayseyyo.

Ermiyaas 44:27

Masril yan Yuudâ-maraw, tahak wadir sin mawaday, sin baatih ugteyyo. Carbi kee qululut embexxa 'taanam fanah sin macaba.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Yacedkel 15:7

Naharsi girak yisillimeenih immay, away gersi girat cararelon. Anu ken digaala saaku, YALLA kinniyom yok aaxigetton.

Yacedkel 24:11

Too waqdi nadaasa akak diyaytuh, bagul akak suge dicil akak carara'gidih, woo nacaasak bicsen buutiy addal tu sinni giral xik. Qassowwa 'yam fanah laqay inxic.

Qaamus 2:5

Tonna-leemiik Yuudâ-baaxot gira ruubeyyo. Yarusalaamal tan megdebitte carariseyyo» 'yaanam iyya.

Qaamus 9:4

Qaduwwi seewah ken beya way, tokkel seefit ken qidsiiseyyo. Tahak wadir ken mawaday, ken baatih ugteyyo› iyye» 'yaanam iyye.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.