Ermiyaas 20:3 - NABUWWA KEE MALIKWA

³ Too digaalak gaba yok kalen waqdi, saaku sek Fascur yemeeteh casbih edde suge namma caxxih fanak yoo kalla heeh yoo yeyyeeqeh. Too waqdi kaak excemii, «Ahak wadir YALLI koh yeyyeeqe migaq Fascur hinnay Magor-Missabib deqsita migaaqa» kaak exce. (Magor-Missabib 'yaanam Kulli-ikkel-cunxo-qide 'yaanama.)

Ermiyaas 20:3 ပူးပေါင်းရင်းမြစ်များ

Yasaqya 8:3

Waqlaak wadir barra yok teedeqeh. Ni baxi yooboke saaku YALLI yok iyyeemih, «Xayuk-Ibbixa Sissikuk-Buuba» 'yaanamal kaa muggaaqis.

Ermiyaas 19:2

Ken lih gacca 'xicay Galqi deqsitta afaak, Hinnom Golo deqsita arac fanah gexa» yok iyye. «Tokke gufta waqdi intaamahaa,

Ermiyaas 19:6

Tonna'mmay a arac migaaqah Toofet madeqsitaay Hinnom Golo madeqsita. Takkay immay, Masgaadâ-Golo deqsitele. Too ayroora gitat tan.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 29:29

Sarra Xafanya too warkatal tanim yoh yikriyeh.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 6:25

Barri genxu manalliila; gitittel ibah genxam kaadu manalliila. Macaay inteenik, ni naqboytit silac leeh, kulli ikkel nee meysiisaanaah marot nee yabbixen» iyyen.

Ermiyaas 7:32

Tonna'mmay a arac migaaqah Toofet madeqsitaay, Hinnom Golo madeqsita. Takkay immay Masgaadâ-Golo deqsitele. Tah intam yoo YALLA. Macaay inteenik, ummatta asguuduk sugeloonuuh, raysa elle yaaguqen arac tokkel wayya haanam fanah, Toofet bagul aaguqelon.

Yacedkel 13:9

Able ween wacyi ‹Nubleh› iyya maray sahda makot beyahiyyaw, sin digaalu waah an. Isinni baaxo fanah mataduuran. Yi mari mabloh maro hayu waa saaku, wokkel mageytimtan. Israayilih yooboke marih loowot magactan. Anu YALLA kinniyom too saaku yok aaxigetton» iyye.