Ermiyaas 20:16 - NABUWWA KEE MALIKWA

¹⁶ A num, YALLI uma baatih bayse magaaloolik kaxxih, ibak-gibda baati kaa tabbaxay! Saaku boogisa marih xongolo aytil kaak radday; Laqo carbi addat yakke weeqi aytil kaak raday.

Ermiyaas 20:16 ပူးပေါင်းရင်းမြစ်များ

Ermiyaas 18:22

«Anu edde rada'gidih, boodo yoh dagaanamat yaniiniih; garciik edde rada'gidih, oflo yoh heenih yaniini'mmay, oson cube'kal, buxa keenik buuba mara keenit rub. ‹Woyyow, net tekkeemow!› axcuk ken weeqis.

Ermiyaas 18:8

Sarrak woo mari woo umaaney edde sugehiyyak yuduure kaa tekkek, anu kaadu exceemik aduureyyooh, abeyyo exceemik raaqeyyo.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 26:13

Awayah tu gactek, edde tanin uma gitak uduuraay, YALLAY sin Dageltah yani siinik iyyem oobbeya. Toh abteenik, YALLI siinih loowe bala siinil moobisaay siinih racmatele.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

Hosiqa 10:14

Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 13:14

«Ta mara raba kee akeerak maay cateyyoo? Rabaw, ken bakta'gidih am! Akeeray, ken hirig! Ahaysa keenih maxuwaawa.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Qaamus 2:2

Tohuk gexxaamah, Mooyab rasut gira ruubeyyo. Karyot deqsitta magaalal tan megdebittet gira ruubeyyo. Mooyab-mari baantay tamugguree kee carbi addat takke tirtirah addat ambaxelon.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Yoonas 3:4

Naharsi ayro inki ayroh gexo le baaxo tet addat gexak aseeh; elle gexaamal, «Morootom ayroh addat Nanawê magaala bayele» 'yaanam keenik iyye.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Xafanya 1:16

Too ayro qeebi radu waamih astah *baanta amuggurele. Naqboyti-qaskar abtah tan tirtirah xongolo, inkih tan baaxol antaabbele. Magaalat maroh tan kaxxa gaso korelon; amo xer qarik amo korelon.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.