Ermiyaas 20:11 - NABUWWA KEE MALIKWA

¹¹ Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.

Ermiyaas 20:11 ပူးပေါင်းရင်းမြစ်များ

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 45:16

Xeet kee cooxuk yaqbuden duyye bicsa mari ahat wacarriyak maacisele. Yakkeenimiik qaybit radelon.

Ermiyaas 1:18

Yuudâ-malik kee doolat-abbobti kee seekaay, a baaxol yan mara inkih, naqboytit kok akkelon. Takkay immay keenit edde koysitta dudda koh aceeyyo. Ta saakuu, maro edde tan magaalay naqboyti cule waa kee, birtak aben qamidduy addigille waa kee nacaasak yan birtak xisen gasoy xaggiime wayta, koo abeh ani'kkal, num tu kol mabaaha. Faxe qeebi kot abaanamah, anu ko'lih ani'kkal, kot baahaanam malon› 'yaanam YALLI yok iyye» iyye.

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Ermiyaas 15:15

Too waqdi anu excemii, «YALLAW, anu elle ani'nna kee edde an caalat yok tableh tanik, yoo kassa haay yoo cat. Yoo qidaanam fanah tibba keenik maxcin. Yoo akah xaafaanam ku sabbat kinnim kassa haysaay, yoo xakaake kala marak cane yoh gacis.

Ermiyaas 15:20

Nacaasak bicsen birtay xaggiime waa keenil akketto. Qeebi kot abe loonu'mmay, kok mayaysan. Anu innih ko'lih gaceyyo. Koo xagtu waytam matan.

Ermiyaas 17:18

Yoo xakaake kala mara qawratak qid. Takkay immay yoo qawratak maqidin. Cunxo keenit qid; yot cunxo maqidin. Gadaama keenil oobis; rike rikeh kuramkuruumaanam fan bala keenil rub!» 'yaanam exce.

Ermiyaas 22:22

Isin abten umaaneh qaybit radettoonuuh; qawrat sin abbixele. Abbobti siinik caaco caffa elle beyta'nnal beeloonuuh; carbil sin catak yen mara seewah beelon.

Ermiyaas 23:40

Sarrah sin cabe waa qaybi kee migaq umaane siinil oobiseyyo» 'yaanam iyye, keenik iyye.

Ermiyaas 32:18

Qadad sinni marah amurruqe sinni kacanu yaybulle Dagelta kinnitooh; kaadu xaleena bahte qellatah xaylo digaala Dagelta kinnito. Qande kee cayla le Dagelta kinnitooh; ku migaq YALLAY Nabaamak Nabahiyya.

Daaniyel 12:2

Mango maray rabeh yomoogoqeh sugehiyya ugteleeh wadir gacele. Garab keenik ambaxe sinni waarah waarele. Aki garabaay amurruqe sinni qaybi kee ilaq-gadda akkele.