Ermiyaas 2:6 - NABUWWA KEE MALIKWA

⁶ ‹Masrik addak nee eyyeqqa heeh goloola kee bacarih tan baaxoy num sinniih lac sinniih gibdaabina leeh bakarroytah tanihiyyak addak isih foocat nek gacca 'yeh nee baahe Dagelti maca abeh?› maxacinnon. Yoo hawweeneeniih caagid yot mallinnon.

Ermiyaas 2:6 ပူးပေါင်းရင်းမြစ်များ

2 Malikwa 2:14

Too waqdi Eliyyas-raraytot woo weeqaytu yootokeeh, «YALLAY Eliyyas elle yaamine Dagelta kinnihiyya ankel yan?» iyye. Woo weeqaytu yootoke waqdi, weeqayti namma'kkel gace. Sarrak Eliisaq adda akak tabeh weeqaytuk woo qaxal yeede.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Yasaqya 64:7

Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

Ermiyaas 2:2

« ‹Away kol ruuba farmo Yarusalaam-magaala gexxa 'xicay ummat elle tani'kkel keenih waris› yok iyye. Sarrak too farmo yoh warseeh yok iyyemii, ‹Bar qunxuk tenen saaku, imaanak yol luk teneenih gide siinik aaxigeeh, qibna baqalah kacanuh tassalle inna, yoh assalluk tenen. Bacarih tan baaxoy tu elle aabuke waytahiyyal foocat siinik gacca exceh sin elle beyaamal yoo macininnitoonuy yoo katayak sugten.

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 5:12

Yallih-mari YALLA cineeh, iyyeenimih, «YALLI abaamah lem mali. Nanu kaadu ahaysa gibdaabinah linom mannu. Ahaysa carbi kee qululuh nabalu waynam mannu.

Ermiyaas 5:2

Yi migaaqal xiibitaanah immay akah xiibitaanam maaban» 'yaanam iyye.

Ermiyaas 51:43

Baabelon-rasih-mandarittet tekkem yable mari hagga iyye. Bakarroytah tan baaxo tekkeh; sahda elle deedalta baaxo tekke. Safarah num tokke magexa.»

Hosiqa 12:13

YALLI, Israayil mara Masril edde sugen naqoosannuk yayyaaqe'gidiiy ken amo dacrisa'gidih nabi keenih ruube.

Hosiqa 13:4

YALLI iyyeemih, «Anu YALLA kinniyooh, sin Dagelta kinniyo. Masrik sin bahtem yoo. Yook sa Yalli mayana. Sin cattam dibuk yoo.

Qaamus 2:10

Too Amoorah mari ikoytah luk suge baaxo siinih acee'gidih, Masrik addak sin eyyeeqeeh, bacarih tan baaxol morootom sanat sin abbaxuk suge.

Makaabon 6:13

Too waqdi Gidqoon YALLIH malaykattuk iyyeemih, «YALLI ne'lih yenek, annah tanim net akah takkem maca kot celta, yi amoytaw?» kaak iyye. «Ni kaxxa abbobti neh warisseh sugte qagabah taniimiy YALLI abeh iyyeenihiyya kee, Masrik ken elle yeyyeeqe'nnay neh warseenihiyya maca tekke? YALLI maqal net aalle cineeh; Miidiyan marih xukkot yan mara nee abe» iyye.