Ermiyaas 2:27 - NABUWWA KEE MALIKWA

²⁷ Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Ermiyaas 2:27 ပူးပေါင်းရင်းမြစ်များ

2 Aydaad 29:6

Ni kaxxa abbobti YALLAY ni Dageltah yanihiyyal luk ten imaan cabeeniih; YALLI anqibinnaanim abak sugen. YALLA hawweeneeniih, kaa elle yaqbuden aracat darre caben.

Yasaqya 26:16

«Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

Ermiyaas 10:8

Yakkeenimik inkih duquuraay; hawri akak gexe mara kinnon. Cooxuk bicsen duyyey yaqbudeenihiyya tu ken barissu madudda.

Ermiyaas 18:17

Ayrô-mawqa le kabuk silsa caacay siisa gabat elle beya'nnal, inni mara, ken niqbah yan naqboytiitih foocal tonnal beeyyooh, fixixiseyyo. Too bala keenil oobisu waa waqdi, darre keenit cabeyyooh, ken able waah innah gaceyyo» iyye.

Ermiyaas 2:24

Alá rakub isil radaamih fayxih xobbaaqak teneek ecella 'ta way nokka 'ta. Sarrak rakub teetil radam faxaamah kaa mataqbissay qaadilih nokka kaah inta.

Ermiyaas 22:23

Lubnaan rasuk baahen sariidak bicsen qarwat yan malikow, kaxxa biyaakay akah araadaqissahiyya koo abbixele. Dabbaqanta barrah innah iihisetto» 'yaanam iyye.

Ermiyaas 3:9

Too uma-taamay abaanahiyyat mawacarriyinnon. Xeet kee coox qibaadat gaceeniih baaxo caraamu aben.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Ermiyaas 37:3

Malik yekke Xidkiya YALLIH yaabay Ermiyaas kaah warsehiyya cineh immay sarra farmo kaah ruube. Farmo elle ruubem, Selemyâ-Yahukal kee sek Xafanya deqsita seekiy abba akak Maqseyaahu deqsitak yenehiyyak ten. Farmoh keenik iyyemii, «Gexay nabi Ermiyaasak, ‹YALLAY ni Dageltah yani neh kallacaay dooqa neh ab› kaak inxica» iyye.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Yacedkel 23:35

Yoo YALLAY Mulki lehiyya kaadu axceemih, «Yoo hawwenteeh darre yot cabteemih sabbatah, ama litoh tan sammô-xagit kee abtah tan dalwak gexxaamah, biyak kol oobele» iyye.

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.

Daaniyel 9:7

Goytaw, atu kulli way cakkik tanim abta. Neh tu gactek, nanu kulli way qaybih aninnaanim ninnil bahna. Neey Yuudah yooboke mara kee Yarusalaam mara kee, tonnah kaadu, inkih yan Israayil maray xayi'kke kee xer ikkel yanihiyyay ko'luk yen imaan cabeemih sabbatah atu baaxot fixixih rubtehiyyak inkih, qaybit radnam numma.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.