Ermiyaas 2:25 - NABUWWA KEE MALIKWA

²⁵ ‹Israayil ummatey, Yalla akke sinni duyye taqbudeeni'gidih ib-qassih magexina. Katla isinnik foyyah makafsina› 'yaanam siinik exce'mmay isin, ‹Aleeyyah, ahaysa manaduura. Marin mari yaqbudem naqbudem kicinnoh, akak maraqna› 'yaanam inten.

Ermiyaas 2:25 ပူးပေါင်းရင်းမြစ်များ

2 Aydaad 28:22

Too saaku too gadaamah addat anuk, YALLA kassa mahannaay; umaane kaak dumak lafitteh.

2 Aydaad 28:23

Too waqdi, Acad isi bagul «A mara qeebil cattem, Suuriyah mari yaqbude yallak tanih tanikii, sadgat oson yaqbuden yallah abaama» 'yaanam heeh; qeebil akah gacem, a duyye yuqbudem kinnim yeegemeh. Damaskoh mari yalla axcuk yaqbude duyyeh sadgat abe. Takkay immay too duyyeh qibaada kaa kee Yuudâ-marah baati xalte.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Yasaqya 57:10

Mangom safarteenih akak taqabteeni'mmay, ‹Neh xiqtam mali› maxcinniton. Qusba qaafiyat haysitteenih, maboolaatinniton.

Ermiyaas 13:21

Kataysis takkalen maray qalla lih litoonuhiyya siinik iysiissa heeh, amol siinik heek, maca abetton? Biyaakah lacawat tan barrah innah gacettoonum taaxigeenimi.

Ermiyaas 13:22

‹Ah inkih net akah tekkem macaay? Sari nek akah qanxixeeh; a axxul le biyak xagarat nek akah yekkem macaay?› bagul inteenik; toh siinit akah tekkem, sin dambih manga.

Ermiyaas 14:10

YALLI tohuk a maral gacseemih: «Yok kudaanaah umaaneh abittok isinni nabsiyya maraaqisan. Tonna leemiik ken inqibeeh, aben umaane keenit macabay, ken akah digaaleyyo» 'yaanam iyye.

Ermiyaas 18:12

Takkay immay, ‹Aleeyyah edde nan gitak akah naduurem mannu. Yabti-cina kee uma-taamak ninnih fanxeh gide abenno› 'yaanam kok axcelon, yok iyye» iyye.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Ermiyaas 22:20

«Carbil sin catak yen mari a saaku qeebil gaceh yanik, Yarusalaam maraw, isin Lubnaan-qaleelah amo eweqay boogisa. Basan-rasu fan gexay kaadu boogisa. Abaarim-qaleelah amo eweqay; tokkeek, boogisa.

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Yacedkel 20:32

« ‹Isin aki rasih maray xeet kee coox yaqbudehiyyah innah gactaanam faxxan. Toh inkinnah matakka.

Hosiqa 2:3

Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele.

Malaaki 3:14

‹YALLAY Nabaamak Nabahiyya yaqbudeenim xiqtam mali. Usuk aba iyyem abaanam kee, Yallaw umam bahne 'yeenih weeqaanam xiqtam mali. Tu kaak magennino› intan.