Ermiyaas 2:20 - NABUWWA KEE MALIKWA

²⁰ «Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 2:20 ပူးပေါင်းရင်းမြစ်များ

1 Malikwa 12:32

Too maray seeka akak iyyaanahiyya kaadu Beetal-magaalal hee. Yuudâ-rasul abak sugen qiidih gurral, sanatak bacarhaytoh alsak taban kee konoyhaytoh ayrot qiidih edde asan ayro doore. Beetal deqsita aracal isih bicse daheltih ceeloh, sadgat-arac bicissa heeh, sadgat akah abe.

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 10:27

Too ayro Assuuriyah marih gabak sin ayyaaqeyyooh, sunkul siinik abbaxuk sugen quuki siinil maraaqa. Kaxxam filli-cayla litoonumih sabbatah, fillal siinik haak sugen *madmad aggilele.

Yasaqya 14:25

Assuuriyah maray yi baaxol yanihiyya bayseyyo; inni qaleh amol keenit aaqiteyyo. Inni mara Assuuriyah marih xukkok ayyaaqeyyo; fillal keenik suge quuka keenik kaleyyo.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Ermiyaas 13:27

Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Ermiyaas 17:2

Sin mari silal le cooxih xaqul kee, koomaamih amo kee dululuh tan baaxol yan qaleelah amol, say-yalla akak iyyan Aseerâ migaaqal soolisen gurumuuda kee tet qibaadah xisen arooca yaqbuden. Edderra hayteenim kee maaluk elli haytaanam, a baaxoy siinih aceehiyyal abten dambih sabbatah, sin naqboytiitih gabat sin aysacawweyyo.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 30:8

YALLAY Nabaamak Nabahiyya iyyeemih, «Too ayro fillal keenik abbixe coox keenik kaleyyo. Axawah edde yanin silsilat keenik afdigeyyo. Too ayrok wadir marin marih naqoosa mayakkan.

Ermiyaas 5:5

Tohuk lakal «Idoolal keenik gexeyyooh, ken idoola lih yaabeyyo. Too mari YALLIH gita yaaxigeeh, Yalli iyyem yaaxige maraay; keenil gexeyyo» 'yaanam inni bagul ucsube. Takkay immay oson kaadu yakkeenimik inkih, Yallih yab cine maray Yallak yexxeerehiyyak sugen.

Yacedkel 16:28

Assuuriyah mara lih kaadu dalwa abte. Ken mareytá tekke'mmay, koo cayisoonu yeffereenih.

Yacedkel 16:31

Giti elle aninnaanih xaqul, xeet kee cooxuk bicsen duyye elle yaqbuden arooca hayteeh; tokkel dalwa abte. Takkay immay abta dalwal, timixxige xiiqareh-xiina akah abta'nnah, lakqo elle mabennito.

Yacedkel 16:41

Buxa kok carriselon; kot takku wayta digaalak agbi asseleeleqele. Tonnal abtah tan dalwa koo cabsiiseyyo. Mareytiitih dalwah mekeltah tan lakqo tonnal koo waysiiseyyo.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Yacedkel 23:5

Ohola yi nikaacat anih, dalwa abak sugteeh; Assuuriyah marih kacani kaxxam tet yibbixe. Too maray is kacanuh akah rabak tenehiyya, sartanah qaskar saray qasdiiminit yeneeniih, baaxoh abbobti kee qaskar abbootan luk yenen. Too mari furrayniino kee qax-maqaane luk yeneeniih, faaris amok qeebi abta labhak yenen.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 3:3

Sarrak ‹Caraamu kee dalwat ase waytaamaay mango wakti yoo qambaltaama; anu kaadu koo qambaaleyyo› teetik exce.

Hosiqa 4:13

Qaleelah amol tan aroocal sadgat aban. Koomaamih amol silal meqeeh ayyuufa le caxah gubal qaydarus qeerisan. Too qaydarus woo cooxih gubal akah qeerisaanam, woo cooxih silal keenit yemqek sa. Tonna kinnuk siinik say-xaylo kacob tekke. Sin xayloh agbi dalwa aba.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Naacum 1:13

Ahaysa Assuuriyah mari siinil yabbixe xukkok sin ayyaaqeyyooh; edde tanin axawak sin kaleyyo» iyye.

Yoosuwa 1:16

Too waqdi oson Yoosuwak iyyeenimii, «Atu nek inxicca 'tem abennooh, atu nek gexa inte ikke gexenno» iyyen.

Yoosuwa 24:24

Ummatta sarrak Yoosuwak inteemih, «Nanu dubuk YALLAY ni Dagelta kinnihiyya aqbudennooh usuk aba iyyem abenno» iyyen.

Yoosuwa 24:26

Yoosuwa too xinto kee amri Yallih xintoh kitaabih addal yuktube. Kaxxa xaa bahha heeh YALLA elle yaqbuden aracak xaqul tan garsah gubal hee.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 2:11

Tohuk lakal Israayil mari YALLIH garil dambi lem abak maacisen. Yalla cabba heenih Baqal deqsittaamay Yallih innah yaqbudeenihiyyah qibaadat gacen.

Makaabon 2:13

Too mari YALLA cinna heeh, Baqal kee Qastarot akak iyyan duyyeh qibaadat gacen.

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.