Ermiyaas 2:19 - NABUWWA KEE MALIKWA

¹⁹ Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:19 ပူးပေါင်းရင်းမြစ်များ

1 Malikwa 18:18

Eliyyas too waqdi kaal gacsemii, «Umaane keenil oobissem, yoo hinnay; umaane keenil oobissem, koo kee ku abba. Isin YALLIH amri cineeh Yalla akke sinni Baqal yuqbude mara kinniton.

2 Aydaad 12:5

Ayrok teena Samaqya deqsita nabi, Racabqam kee Yuudâ makaabonuy Masri malikih meysik gexxaamah Yarusalaam magaalal gaaboweh sugehiyya fanah yemeete. Too nabi keenik iyyeemih, «YALLAK temeete farmo siinih abbixeeh; YALLI, ‹Isin yoo cinteeniih, anu kaadu sin cineh an. Tonna-leemiik Sisak deqsita malikih gabat sin digaaleyyo› siinik iyye» 'yaanam keenik iyye.

2 Aydaad 21:10

Tohuk wadirih, Edom mari currih gace. Tonnah kaadu too dabaanal Libnâ-magaalah mari gaadileh yewqe. Toh akah tekkem, Yahooram YALLAY usuk akak rade kay kaxxa abbobti doorehiyya cineh yeneemih taaga.

2 Aydaad 25:16

Yaabak fanat kaak radda 'yeh, too tiyak malik kaal gacseemihii, «Malikih fayu yecee num koo abtem iyyaay? Ahaysa yab eyseed; cintek, rabi gadda akketto» kaak iyye. Nabi fayuk kaak yeedeeh immay, qangara kaat heeh, iyyeemihii, «Ta saaku Yalli baati koh loowem ableh an. Toh elle ablemii, umaanek ta axxul lem abba hayteh, away yi fayu cintaamal kok ableh an» kaak iyye.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Yasaqya 5:5

«Aysa mala teetih malsah, reebuh teetih xise gaso butukka teetik hee liyo. Tet dariifat reebuh yan coox bayseyyoh; dibuk raaqele. ‹Alluwwa tet tattakambay, ken gadda takkay› axceyyo. Ibah teetit aaqitelon.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Ermiyaas 1:16

Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

Ermiyaas 13:22

‹Ah inkih net akah tekkem macaay? Sari nek akah qanxixeeh; a axxul le biyak xagarat nek akah yekkem macaay?› bagul inteenik; toh siinit akah tekkem, sin dambih manga.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 4:18

Hay Yuudah-ummatey, aham isin isinnih isinnil bahteenimiiy, sin qamalah siinit tekkeemi. Taham sin dambih siinit tekkeemi'mmay, salfa siinil matallay siinit qeerootele. Gilet muden afqadoh innah, siinik dananele.

Ermiyaas 5:22

Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Ermiyaas 5:24

‹Karma kee dabaybaay sugumut rob neh ruubaah, sanataak sanatal nakme daro nee waysiise waa Dageltak meysinnu wayna. YALLAY ni Dagelta kinnihiyyak meysinnu wayna› mantan.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Yacedkel 23:30

Dalwa fayxi kee abteh tan xiiqareh xinto, amahah koo tecee. Kulli baaxoh mari tu edde faxa kacba tekkeeh; xeet kee cooxuk bicsen duyyeh qibaadat nadaasa is abte.

Yacedkel 39:24

Darre keenit cabeeh, oson aben umaane kee dambik gexxaamah ken celta digaala keenit abe» iyye.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 13:9

Israayil ummatey, sin bayseyyo'mmay, num sin macata.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Hosiqa 4:16

Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Hosiqa 5:5

Israayil mari le kaxxiina, kinnon mara keenik taybullee. Ken dambi ken yaydafoofoleeh, ken yankiseh. Yuudâ mari ken lih annikissele.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Zakariyya 7:11

«Takkay immay yi mari yi yab cineeh, darre yot cabba haak misinkaca isinnik alfeenih.

Makaabon 10:13

Hay, yooy toh siinih abah yanihiyya cabba hayteenih xeet kee cooxuk bicsen tumammeh qibaadat gacteenik, tahak wadir tu siinit takkeemih sin macataay;