Ermiyaas 19:4 - NABUWWA KEE MALIKWA

⁴ Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 19:4 ပူးပေါင်းရင်းမြစ်များ

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Yasaqya 65:11

«Toh hinna'mmay raaqe maraw! Yoo hawweeneeh cine maraw! Yi qaley taahirik tani hawwenna 'yeeh burte maraw! ‹Nasiib› akak iyyan duyyeh meqe maaqo yecee maraw! ‹Ellecabo› akak iyyan duyyeh qinab-kamri yecee maraw, siinik excem tabbeenimi!

Ermiyaas 1:16

Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 17:20

Keenik intamaa, ‹Yuudâ-malikwa kee Yuudah-ummat kee Yarusalaamal tan ummatak, YALLI siinik iyyam oobbeya.

Ermiyaas 18:15

Yi mari yoo cabba heeh tu xiqe sinni gabak bicsen duyyey yallah loonuh qaydarus ruuban. Meqe gitay kataate raareenihiyyak, too duyyeh qibaaday edde yaniini ken raaqisseeh, makot ken beyte. Ken kaxxa abbobti kataatak sugte gita cabba heenih, makot yan gitat gexaanam dooriten.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Ermiyaas 2:34

Xagarat liton sartan tu-maleela kee umaane sinni marih qabalat isinnik bayisseenim matablan. Masaakiina akke waytek, umeynitil bahtaanam manton. Tonna'mmay ta axxul le umaanet taniiniih,

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 26:15

yoo qidden sin tekkek, dambi sinni numih qabal foyyah caxxeenimih, umaane sin kee a magaala kee a magaalah mara macabtam taaxigeenimi. Macaay inteenik, yoo rubteeh aham keenih warisaay aylahu keenih kal yok intem, nummaak YALLA» keenik iyye.

Ermiyaas 26:23

Too mari Uriyya Masrik baaheh, malik Yahoyaakim fan kaa been. Malik kaa qidsiiseeh; sarrak masaakiina magaqah edde haan aracat raysa kaak heen.

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Yacedkel 20:26

Isinni xaylok naharsi-xaylo, umâ-yabulih xeet kee cooxuk bicsen duyyeh qibaadah arac sadgatah baahah ken abalih, yanoonay ken axcuk suge. Toh keenik akah abak sugem, abeenimik xagar keenik wacarriya'gidiiy ken Dagelta dibuk yoo kinnim yaaxigeeni'gidi.

Yacedkel 7:22

Yoo elle yaqbuden yi qari nadaasa abah ableemih, tu elle magacsa. Qamalli adda culla 'yeh nadaasa abeh cabaamah tu akak maxca, keenik inxic» yok iyye.

Yacedkel 8:11

Too saaku too duyye aqbuduk sugte Israayil idoola, Safán-Yaadanya deqsita num edde anuk, tokkel malcina-tabanih num akkuk yenen. Kulli num keenik qaydarus elle ruuban girgira gabat luk yen. Too girgiraarik qer awaquk yen.

Daaniyel 11:31

Usuk ruube qaskar, megdeb kee Yallih Qibaadah-Qari culak, nadaasa abele. Kulli ayro aban sadgat abe ken kaleleeh, sadgat elle abak yenen aracal Kaxxam Umâ-Yabulih-Tanim elle heele.

Makaabon 5:8

Israayil mari Yalla akke sinnim yuqbudeh; too saaku woo baaxol qeebi gace. Morootom alfi yakke Israayil marat gob kee macaxu gabat le num mananna.