Ermiyaas 18:22 - NABUWWA KEE MALIKWA

²² «Anu edde rada'gidih, boodo yoh dagaanamat yaniiniih; garciik edde rada'gidih, oflo yoh heenih yaniini'mmay, oson cube'kal, buxa keenik buuba mara keenit rub. ‹Woyyow, net tekkeemow!› axcuk ken weeqis.

Ermiyaas 18:22 ပူးပေါင်းရင်းမြစ်များ

Yasaqya 10:30

Gallim magaalah maraw, deero aba. Laysah maraw, ankacisa. Woyyow, Qanatot maraw!

Ermiyaas 18:20

Maqaane abe numul umaane gacsaanaa? Keenih abe maqaanel, galtoh edde rada boodo yoh dagan. YALLAW, ku bagcarra ken biyaktaamak, ken taagah ku foocal abe kallaci yok taaxigeh.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 20:16

A num, YALLI uma baatih bayse magaaloolik kaxxih, ibak-gibda baati kaa tabbaxay! Saaku boogisa marih xongolo aytil kaak radday; Laqo carbi addat yakke weeqi aytil kaak raday.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 5:26

Yi marih addat uma mari yan. Ta mari oflot-kimbir-yabbixem-faxa-marih innah raarisan. Oflot yabbixeenim faxaanam sinaama'kkal, kimbir hinna.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Xafanya 1:16

Too ayro qeebi radu waamih astah *baanta amuggurele. Naqboyti-qaskar abtah tan tirtirah xongolo, inkih tan baaxol antaabbele. Magaalat maroh tan kaxxa gaso korelon; amo xer qarik amo korelon.