Ermiyaas 18:21 - NABUWWA KEE MALIKWA

²¹ Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Ermiyaas 18:21 ပူးပေါင်းရင်းမြစ်များ

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Yasaqya 13:18

Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Yasaqya 9:16

A ummatta miraacisa mari ken edde beyaanam, gita maliinooy; ken edde yabbixeenim, badambadisiyya.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 12:3

YALLAW, atu yoo taaxigeeh; abba haam yok tableh. Kacanuh koh liyoh gide kaadu yok taaxigeh. Hay, yi Dageltaw, a umeynit, masgaadah giitak beyan illih innal, yok ken eyxeer. Ken edde bayissu wayta ayro fanah, sahdak ken baxisay; ken deel!

Ermiyaas 14:16

Oson toh akak iyyan mari kaadu, too qulul kee carbit ambaxele. Raysa keenik Yarusalaam magaalah gititteh xaqul qidelon. Lafa keenik yaaguqe mara mageyan. Taham kaadu, keenik kalah, ken agabu kee ken xaylot takku waytaama. Edde yanin umaanek keenih taguude digaala keenit abeyyo» 'yaanam yok iyye.

Ermiyaas 15:7

A rasul enna 'ta magaaloolih addal, caacay bee caffa sin abeyyo. Yi maraw, edde tanin uma taamak taduureenim cinteeniih; tonna leemiik xaylo siinik qideh sin bayseyyo.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Ermiyaas 50:30

Tohuk gexxaamah, too takku wayta ayro, furrayna magaalak gitittel keenik qidelon. Qaskar kaadu keenik selelon. Tahat yabtam yoo YALLA» iyye.

Ermiyaas 9:21

Macaay inteenik, rabi qarik xoggaak buxah adda nek culeh yaniih, maroh gasoosa edde nabbixe magaaloolih adda culeh yaniih, urru gitittel nek raaqisah yan. Furrayna qadaagah aroocal nek raaqisah yan» iyye.

Yacedkel 16:38

Abtah tan dalwa kee sahday qiddahiyya kok weeyyo. Abah an bagcarrah rabi digaalah koo digaaleyyo.

Yacedkel 22:25

Too baaxol tan abbobti, qiden saqih amol garadda lubookah bis lon. Ummatta uma qidimih qiden. Lakqo yellekiiy duyye yellek, keenit macabaanay keenik beyaanah. Oson sahdat aban qidimih, mango agbi gubuunuh raaqe.

Qaamus 4:10

«Duma Masrit ruube bala siinit ruube. Labha siinik carbit akah rabta'nnah abeeh, ken raysay baaxot qideenihiyya elle tiffidigen aracal uma'nnah abicte. Qeebi edde abtan faaris qeebi addat akah yabbixen innah abe. Hay, toh ubulla hayteenih yol maaduurinniton.

1 Samuwel 15:33

Kaa baahen waqdi Samuwel kaak iyyemii, «Ku seef mango inonti xaylo maleh akah cabe'nnah, ku ina a saaku kaadu baxa maleh raaqele» kaak iyye. Sarrak YALLA elle yaqbuden aracay Gilgalal yanik foocal exxa-exxah kaa kure.