Ermiyaas 18:20 - NABUWWA KEE MALIKWA

²⁰ Maqaane abe numul umaane gacsaanaa? Keenih abe maqaanel, galtoh edde rada boodo yoh dagan. YALLAW, ku bagcarra ken biyaktaamak, ken taagah ku foocal abe kallaci yok taaxigeh.

Ermiyaas 18:20 ပူးပေါင်းရင်းမြစ်များ

Ermiyaas 11:14

Tonna'mmay Ermiyaasow, ta marih qaadah, dooqah gaba yol maruubin. Ken qaadah yoo makallacin. Gadaamitoonu waan waqdi, yoo kallace loonu'mmay keenik maabba› yok iyye.

Ermiyaas 14:20

YALLAW, dambi lem elle bahnem koo kinnim naaxigeh. Nee kee nek duma ni kaxxa abbobti edde asse dambi naaxigeh.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 17:18

Yoo xakaake kala mara qawratak qid. Takkay immay yoo qawratak maqidin. Cunxo keenit qid; yot cunxo maqidin. Gadaama keenil oobis; rike rikeh kuramkuruumaanam fan bala keenil rub!» 'yaanam exce.

Ermiyaas 18:19

Too waqdi anu kallaci abeeh exceemih, «YALLAW, yi kallaci oobbey! A mari yol baaham faxa umaane yok cubbus!

Ermiyaas 18:22

«Anu edde rada'gidih, boodo yoh dagaanamat yaniiniih; garciik edde rada'gidih, oflo yoh heenih yaniini'mmay, oson cube'kal, buxa keenik buuba mara keenit rub. ‹Woyyow, net tekkeemow!› axcuk ken weeqis.

Ermiyaas 27:18

A mari nummah nabuwwa yekkeeh siinih warsaanam yi farmo tekkek, tonnal Yarusalaamal YALLIH Qibaadah Qarih adda kee malik buxah addal tan duyyey raqtehiyya Baabelon mari dannabah bee waa'gidih yoo kallacoonay› siinik iyye» keenik exce.

Ermiyaas 5:26

Yi marih addat uma mari yan. Ta mari oflot-kimbir-yabbixem-faxa-marih innah raarisan. Oflot yabbixeenim faxaanam sinaama'kkal, kimbir hinna.

Ermiyaas 7:16

YALLI yok iyyeemih, «Ermiyaasow! Ta marah dooqa yol maabin! Keenih yol maweeqin! Ken tiyah yoo makallacin; kok maabbak.

1 Samuwel 19:4

Sarrak Yonaatan abbâ garil Dawud kaxxam fayliseeh, «Malikow, Dawuduy ku naqasuh yani, umaane takkeemih kol baahem málik, umam kaak maabin. Koh kaxxa cato takkeemik sah, kol baahem málik, yanay kaa inxic.