Ermiyaas 18:18 - NABUWWA KEE MALIKWA

¹⁸ Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 18:18 ပူးပေါင်းရင်းမြစ်များ

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

2 Samuwel 17:14

Too waqdi Absalaam kee Israayil mari yakkeemiik, «Acitoofal-fayuk, Cusaay-fayi yayseh yan» iyyen. YALLI woh akah abemii, Acitoofal baahe meqe-fayu kataate waana'gidiiy Absalaamal bala obta'gidi.

1 Malikwa 22:24

Tah yoobbe waqdi, Xidkiya deqsita nabi garih amma 'yeh xaban kaak yootokeeh, «YALLIH Roocaaniyya yoo cabteeh kot gactem maa saaku?» kaak iyye.

2 Aydaad 24:21

Malik Yooqas edde anuk, ta seekik aboonu waanamal malissa heeniih; tohuk wadir malik «Kaa qida» 'yaanamih amri yecee. Too mari YALLIH Qibaadah Qarih daaratal kaa qiden.

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Ermiyaas 18:11

Tonna'mmay taway, Yuuda kee Yarusalaam magaalal yan marak, anu siinik abu waamih malat aniih, sin digaaleyyo siinik iyye keenik inxic. Edde yanin dambiy kulli way abaanahiyyak uduura keenik inxic.

Ermiyaas 18:19

Too waqdi anu kallaci abeeh exceemih, «YALLAW, yi kallaci oobbey! A mari yol baaham faxa umaane yok cubbus!

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 26:11

Tohuk lakal seeka kee nabuwwa yabteeh, Yuudah-abbobti kee raqqa 'ye marak iyyeenimii, «A num ni magaalak ceele-waytam iyyeeh; toh isin isinni aytih toobbeenih. Taway hay, taham iyyeemih rabi cokmi kaal yamaateh yan» 'yaanam iyyen.

Ermiyaas 37:13

Takkay immay Benyam-Culma deqsitta afa gufe waqdi, dacayrih wokket yan marak abbah suge numuy migaaqah Selemyâ-Yiriyya deqsitaah Cananya deqsita numuk baxi-baxah yamaatehiyya, «Atu Baabelon-qaskarih-kabut gactem hinna!» kaak iyyeeh; casbit kaa hee.

Ermiyaas 43:2

Too waqdi Hosaqyâ-Qadarya kee Kareyyác-Yocanan kee, wohuk kalah tan labhay anaani luk tenehiyya kaak inteemih, «Away atu edde yabtam diraaba'kkal, YALLAY ni Dageltah yani kok inxicca iyyem hinna. YALLI, ‹Masri fan magexinaay dabaaqah wokkel magacina› 'yaanam nek m'iyya.

Ermiyaas 44:16

«YALLI yoh warse akak inta yaabay taway neh warisak sugtehiyya kok cinneh!

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Ermiyaas 8:8

«Nanu kasloytit kinnino ikkal, YALLIH xintok iginnom mannu» elle intaanam mannaay? Anu siinih hee xinto, «Xintoh adda nanu naaxige» inta kabirway aamanti sinnihiyya koramkorisse.

Yacedkel 7:26

Balak-bala sin ciggiilele. Naharak toobben xaaguk gaca xaagu sarrak aabbetton. Sarra takku waytam neh warisa axcuk nabuwwat kallacsimetton. Seeka ummatah-warissam mageytaay; idoola ummatak-fayuh-intam mageyta.

Miika 3:6

YALLI, hay, too nabuwwak iyyeemih, «Isin toh abta nabuwwak, sin wakti ahaysa xayyooweh. Laqô-bar siinil radele. Ummat yok gitak hoxisseeniih, tohuk gexxaamah tahaysa wacyi siinil mooba. Takku waytam wacyih matablan.

Miika 3:7

‹Sarra woh akkeleeh, ah akkele› iyya mari iyyeemit wacarriyele. Anu ken yab moggolaay, tohuk gexxaamah qawratak radelon» iyye.

Malaaki 2:7

Nummâ-gita ummat barsaanam, seekal tan taama. Seeka yoo YALLAY Nabaamak Nabah yanihiyyah fayxi ummat barsaana'gidih, ummat keenil gexxam faxxinta. Seeka yi farmoytiitiy yi farmo ummatah warissa kinnon.