Ermiyaas 18:11 - NABUWWA KEE MALIKWA

¹¹ Tonna'mmay taway, Yuuda kee Yarusalaam magaalal yan marak, anu siinik abu waamih malat aniih, sin digaaleyyo siinik iyye keenik inxic. Edde yanin dambiy kulli way abaanahiyyak uduura keenik inxic.

Ermiyaas 18:11 ပူးပေါင်းရင်းမြစ်များ

1 Malikwa 22:23

Miikayhu ellecabol yaabak af edde cabemii, «Taway tekkem tamaha. Ku nabuwwa diraabat yaabiseh; koh tu gactek, YALLI kol oobisu waa bala kol yuckumeh» kaak iyye.

2 Malikwa 17:13

YALLI, isi farmoytit kee nabuwwa, Israayil kee Yuudâ-marah ruubak suge. Too nabuwwa kee farmoytit, «Ummatey, maabitina. YALLI, ‹Yi amri oggola, yi kitaabay sin kaxxa abbobti dabaanaak obtehiyyay nabuwwâ-gabal siinih heehiyya intam aba› siinik iyya» axcuk sugte.

2 Malikwa 22:13

Keenik iyyeemih, «Gexay yoo kee inkih tan Yuudah ummatta tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti YALLI iyyeemiy a kitaabal tanihiyya abe weenimih sabbatah, YALLAK naqbi nee geeh yan» iyye.

2 Malikwa 5:5

Too waqdi malik iyyemii, «Gexay; Israayil-malikih warkat ruubeyyooh kaal ucuy» iyye. Niqmaan lakqok soddom alfih garsi takkem kee dahabak laca alfih cabbataay, kalah kaadu sartanak tabna cabbat gabat hayya heeh wokke gexe.

Yasaqya 5:5

«Aysa mala teetih malsah, reebuh teetih xise gaso butukka teetik hee liyo. Tet dariifat reebuh yan coox bayseyyoh; dibuk raaqele. ‹Alluwwa tet tattakambay, ken gadda takkay› axceyyo. Ibah teetit aaqitelon.

Yasaqya 57:1

Cakki-gital-gexa-mari rabeh immay, woh, num afqadok macubbusa. Yalla kicna mari rabeh immay, num baaqid edde mahaysitinna. Too mari rabek wadir, ken-tabbixe-umaane ane waytaamat num maradinna. Addunyal umaane takkeemik dumal, Yalli is fan ken bee.

Ermiyaas 11:11

Tonna leemiik yooy YALLAH yani taway bala keenil ruubu waam naharal ken aysixxigeh ani'mmay, kudaanam faxaanamah mayasillimaanam yaaxigeenimi. Catoh yol weeqaanamah, keenik maabba.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 19:3

‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.

Ermiyaas 25:2

Too waqdi Ermiyaas Yuuda kee Yarusalaam marak iyyemii,

Ermiyaas 25:5

Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 26:13

Awayah tu gactek, edde tanin uma gitak uduuraay, YALLAY sin Dageltah yani siinik iyyem oobbeya. Toh abteenik, YALLI siinih loowe bala siinil moobisaay siinih racmatele.

Ermiyaas 26:3

A yab yaabben waqdi, edde sugen uma-taama cabaanam takkeh. Ta yab oobba haan waqdi, edde yanin umaanek raaqen ken tekkek, umaane keenil mabaahaay keenik abeyyo excem keenik maaba.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 36:3

Yuudâ-mari, anu keenil oobisam faxa bala yaabboonu waan waqdi, away edde yanin dambik yaduureenim takkeh. Oson too dambik yuduureenik, anu kaadu duma aben umaanek qafu keenih abeyyo» kaak iyye.

Ermiyaas 36:7

Macaay intek, YALLI, bagcarra keenil baahu waam edde keenih warseh yeneeh; too bagcarra cunxo keenit qiddeemih taagah, aben umaanek yaduureeniih YALLA kallacaanam takkeh» 'yaanam kaak iyye.

Ermiyaas 4:1

YALLI siinik iyyaamah, «Israayil maraw, yol taduureenim faxxeenik, yol uduura. Anu faxe waa duyyey isinni gabak bicisseenihiyya taqbudeenim cabaay; yi qibaadal digga axcuk,

Ermiyaas 4:14

Yarusalaam ummatey, waddintaana'gidih umaane afqadok isinnik kala. Bagut umaane kulli way maay xiinissan?

Ermiyaas 4:23

«Baaxo wagga hee waqdi, hebeltô-weelo luk manannaay baaxô-bagul tu mananna. Qaran wagga hee waqdi, qaraanal dite raddeh ten.

Ermiyaas 4:6

‹Asta fayya haa! Siyon qale fanah sissikuk kuda. Wadir mafkuninay isillima. Muudurrutinay kilbat le kabuk baatiy ummat seltu waytahiyya ruubam faxak xayuk isillima› keenik inxica.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 7:3

«Too waqdi farmoh keenik intaamah, YALLAY Nabaamak Nabah, Israayil doore Dagelta kinnihiyya siinik iyyaamah, ‹Edde tanin gita caba. Abtan taamak raaqa. Tonnal, elle tanin baaxol tanoonay sin axceyyo.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Yacedkel 18:23

Uma num rabaamah, anu maa rufto geyam siinit celta? Yoo ruffu haytam, dambik toobitaah waara num ableemi. Tah intam yoo YALLAY Mulki lehiyya» iyye.

Yoonas 3:8

Sahda kee saq inkih qabuudut gactaama. Kulli num baguuk Yalla fan dooqa abaama. Kulli num uma caalat kee uma taama cabaama.

Miika 2:3

Tohuk gexxaamah YALLI iyyeemih: «Anu too maral bala ruubam faxa. Anu ruubu waa balak num siinik macattiima. Kaxxa gadaamah gadaamitetton. Tahaysa kaxxiinah amo qaraanal haak magexxan.