Ermiyaas 17:5 - NABUWWA KEE MALIKWA

⁵ YALLI kaadu iyyeemih, «Yoo cinna heeh, sahdaytul yaamine numul yi abaaro oobele. Numtin qandel kibaal haa numul yi abaaro oobele.

Ermiyaas 17:5 ပူးပေါင်းရင်းမြစ်များ

2 Aydaad 16:12

Malik edde yekke soddom kee sagalhaytô sanatat, ibak gibdi biyaakah biyaakiteeh, ellecabol aracal yekke. Woo biyak kaa yibbixe saaku kinni-way, catoh YALLAL makibalsitinnay dayla-aba fan gexe.

2 Aydaad 32:8

Usuk catoh sahdaytu leeh; nanu catoh YALLAY ni Dageltah yani lino. Ni aftok qeebi neh abtu waytam kaa» keenik iyye. Ummatta ken malik a yaabat yaabam toobbe waqdi niya keenit gacte.

Yasaqya 2:22

Tonna'mmay sahdaytuy rabah yakkehiyyal kibaal mahana. Sahdayti ma tuxxiq leh?

Yasaqya 20:5

Kuus kee Masril kibaal luk suge mari hagga axceleeh, niya keenik addigillele.

Yasaqya 36:6

Masri mari yemeeteh koo catelem takkale'mmay, toh bayreyta gabah caxxah haanamih bis le. Bayreyti gabâ-caxxa mayakka; yaddigilleeh, gaba kok qanxiseh caba. Kibaal kaal heenik, Masri-malik toh elle yan'inna› kaak inxica» keenik iyye.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

Ermiyaas 11:3

‹Yoo YALLAY Israayil doore Dagelta kinnihiyya, sin kee yi fanal yekke qahdi xagure waa mara abaareyyom keenih waris. Ta qahdi, anu ken kaxxa abbobti Masri rasuy urta gira keenil yekkehiyyak ken baahe saaku, ken lih hee qahdi. Too saaku, «Yi amri oobbeyaay anu siinik aba axcem aba» 'yaanam keenik exceh en. Yi yab oggolteenik, yi mara akkettoonuuh; anu kaadu sin Dagelta akkeyyo, keenik exceh en.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.