Ermiyaas 17:4 - NABUWWA KEE MALIKWA

⁴ A baaxoy siinih eceehiyya akah cabtan innah siinik abeyyooh, aaxige waytan baaxol sin naqboytiitih naqoosa sin abeyyo. Toh siinit akah takku waytam, isin yot ugussen naqabih giray barge waytahiyya kinni» 'yaanam siinik iyye.

Ermiyaas 17:4 ပူးပေါင်းရင်းမြစ်များ

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

2 Malikwa 25:21

Ribla Camat deqsita rasul tan magaalak ten. Tokke ken baahen waqdi, malik ken qidsiiseh. Yuudâ mara seewah elle beenim tonnak ten.

Nacmiya 9:28

Takkay immay amaanah xiinak sugen waqdi, dambit qagteenih. Too waqdi kaadu ken naqboytiitih gabat radoonay ken inte. Naqboytit gabal ken hayte. Oson toobiteeniih cato kol esseraanam tuble waqdi, qaraanak ken weeqa toobbe. Litoh tan racmattak gexxaamah, koo esseren cato keenih oggolteeh; cato koo esserinnaan waqdi, ken catak sugte.

Yasaqya 14:3

YALLI, isin luk sugten biyaakak sin urseleeh; cisabbootiyyak amaanah sin xiinisele. Dirkih sin absiisak sugen gibdi taamak sin ayfoofele.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 50:11

Takkay immay gira isih urusa maray isi ifoytal gexahiyyaw, isinnih ifsen gititte gexa! Takkay immay, ellecabo siinik finqa. Aham siinik abtu waytam yoo YALLA.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Ermiyaas 12:7

YALLI iyyemii, «Anu Israayil marak obboodeh; innih doorite marat darre cabeh an. Ken kiciyyoh immay ken naqboytiitih gabal ken haah an.

Ermiyaas 15:14

Oson aaxige waan baaxol ken naqboytiitih naqoosa ken abeyyo. Yi naqbi baruge wayta girah gide» yok iyye.

Ermiyaas 16:13

Tonna leemiik a baaxok sin ayyaaqeyyooh, duma sin kee sin kaxxa abbobtik num aaxaguk suge wee baaxo fan sin ruubeyyo. Tokkel bar kee laqoh yi aftok xeet kee cooxuk bicsen tumamme aqbudetton. Tahak wadir yi kabuk siinih racmataanam gaba kalteh, 'yaanam keenik inxic› yok iyye» iyye.

Ermiyaas 18:23

YALLAW, yoo qidaana'gidih aban mala atu taaxige. Ta umaaney yot abaanam faxaanahiyya keenit macabin. Aban dambih ken digaal. Isik foocal irimbi selte caxa ken ab. Bagcarritta waqdi, keenih maracmatin» exce.

Ermiyaas 2:14

«Israayil-xayloy, naqoosak mananniton. Naqoosâ-samad luk manannitoonu'mmay, sinam admoh akah gexxa naqoosa tekken.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 5:19

‹A axxul le umaane nel akah baaham faxam macaay?› kok iyyoonu waan waqdi, Ermiyaasow, atu keenik intu waytaamah, ‹YALLI, isin yoo cinna hayteenih mari aqbuduk suge duyye isinni baaxoh addal taqbudeeniih, tonna'mmay isin kaadu sin baaxo akke sinni marin baaxol marin naqoosa akketton, yok iyye› keenik axcetto» iyyah yan.

Ermiyaas 5:29

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 21:31

Yi naqabu siinil oobisu waa waqdi, kaak yawqe girah huuri le inna abletton. Racmattak tifa sinniih, umaane abaanamak meysite sinni marih gabal sin heeyyo.

Yacedkel 7:24

Kaxxa umeynitih yan mara siinit ruubeyyooh; too mari buxaaxi siinik nagrele. Isin qibaada elle abtan arooca nadaasa abu waa mara siinit ruubu waa waqdi, siinik qande le mari elle kaxxiinitem gaba kalele.