Ermiyaas 17:27 - NABUWWA KEE MALIKWA

²⁷ Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Ermiyaas 17:27 ပူးပေါင်းရင်းမြစ်များ

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

Yasaqya 1:20

Takkay immay yi yab cinteenih a umaanet gexak raqteenik, carbi siinit akkeleeh edde bayetton» iyyah yan. «Aham siinik intam yoo YALLA» iyye.

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Ermiyaas 17:24

Takkay immay ta saaku yan maraw, isin yi yab oggolteenik, wohoysa kaadu, sabti ayro a magaala duyye merraytul culuse wayteeniih sunkul baahe wayteenik, tonnah kaadu, sabti-ayro taahirik tan ayro kinnim ixigga hayteenik, too ayro hebeltô-taama abe wayteenik, buxal qiidih asseenik,

Ermiyaas 17:4

A baaxoy siinih eceehiyya akah cabtan innah siinik abeyyooh, aaxige waytan baaxol sin naqboytiitih naqoosa sin abeyyo. Toh siinit akah takku waytam, isin yot ugussen naqabih giray barge waytahiyya kinni» 'yaanam siinik iyye.

Ermiyaas 18:1

YALLIH qangaray Ermiyaasal obtehiyya ah teeti. YALLI iyyemii,

Ermiyaas 21:14

Bahte umaaneh koo digaaleyyo. Malik qariy ku addal yanit gira ruubeyyo. Too gira kulli'kket gexeleeh, kullim gomboduh gacissa heele. Tahat yabtam yoo YALLA› 'yaanam yok iyye» iyye.

Ermiyaas 22:5

Takkay immay yi amri oggole wayteenik, malik-qari abuur abeyyoomuh inni migaaqal siinih xiibita. Tahat yabtam yoo YALLA› 'yaanam siinik iyya.

Ermiyaas 32:29

gira teetit ruubelon. Yarusalaam magaalal yan mari Baqal akak iyyaanam aqbuduk sugen. Tohumuy yaqbudeenihiyyah qibaadah, isinni qarwah amol qaydarus qeerisak sugen. Yallah lon duyyeeyah kaadu qibaada abak sugeeniih, too qibaadah sadgatah qinabak bicsen kamri bahha heenih faaroh caxak sugen. Tohum yot naqabu culusse. Tohuk gexxaamah Baabelon-malik kee kay qaskar too qarwa akah cararissa'nnah abeyyo.

Ermiyaas 39:8

Too ayrot Baabelon mari, malik qari kee raqqa 'te ummatih qarwat inkih gira ruuben. Yarusalaamat maroh sugte gidaarwa inkih bututtukku heen.

Ermiyaas 44:16

«YALLI yoh warse akak inta yaabay taway neh warisak sugtehiyya kok cinneh!

Ermiyaas 49:27

Damaskoh gasot gira ruubeyyo. Malik Banihadad buxa carriseyyo. Tahat yabtam yoo Nabaamak Naba YALLA» iyye.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Ermiyaas 6:17

YALLI iyyemii, «Dacayrih sinam siinit hee. Too mari, ‹*Baanta yaagaru waa mara ankacisa› siinik iyyen. Takkay immay yaaguren baantah anay aabbih maqal edde mahannitoonuuy, ‹Aleeyyah mankacisna› inten.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 16:41

Buxa kok carriselon; kot takku wayta digaalak agbi asseleeleqele. Tonnal abtah tan dalwa koo cabsiiseyyo. Mareytiitih dalwah mekeltah tan lakqo tonnal koo waysiiseyyo.

Yacedkel 21:15

Yi ummatat cunxo qidu waa seefi. Cankaxi innah bixiq iyya seefiy sahdah qidimih bical yanihiyyah gabat, a magaalat qawwalayla ruubam faxa.

Yacedkel 21:3

Intaamah: YALLI, ‹Anu naqboytah kok aniih, seef sibak siibeh kol aniih; gitat yan mara kee umeynit tittak baxse'kal filla keenik kaleyyo.

Yacedkel 22:8

Taahirik tan qibaadah caagid elle aban arooca maxagurta. Sabti ayro maxagurta.

Yacedkel 23:38

Oson aben dambi amahat taadeem hinna. Too saaku yi qariy yoo elle yaqbudeenihiyya nadaasa aben. Anu yoo edde uqbuda exce Sabti ayro xagure waanam baahen.

Hosiqa 8:14

Israayil mari malik qarwah xiso yeexegeh immay, ken gine Dagelta hawweeneenih. Yuudâ mari, meqe magaalooli dacayrih xisen. Oson malikwah xisen qarwa kee magaalooli keenik bayissa gira keenil ruubeyyo» iyye.

Qaamus 1:10

Tohih sabbatah Suur magaalah gasoosat gira ruubeyyooh, teetil tan megdebitte girat bayseyyo› iyya» 'yaanam iyye.

Qaamus 1:12

Tonna-leemiik Teman deqsitta magaalat gira ruubeyyo. Bosra deqsitta magaalal tan megdebitte kaadu carariseyyo› iyya» 'yaanam iyye.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Qaamus 1:4

Tohuk gexxaamah malik Cadayel gasot gira ruubeyyooh, malik Banihadad hee megdebittet gira rubbu heeh gombod tet abba heeyyo.

Qaamus 1:7

Tohuk gexxaamah Gaadâ-magaalat maroh tan gasoosat gira ruubeyyo. Too magaalah addal tan megdebittet gira ruubeyyo.

Qaamus 2:2

Tohuk gexxaamah, Mooyab rasut gira ruubeyyo. Karyot deqsitta magaalal tan megdebittet gira ruubeyyo. Mooyab-mari baantay tamugguree kee carbi addat takke tirtirah addat ambaxelon.