Ermiyaas 17:25 - NABUWWA KEE MALIKWA

²⁵ tonnal, Dawud qarkaytol tan malikwa kee ken gubal tan reedon, Yarusalaam magaalat culla bukka abelon. Malikwa kee malikwâ-gubal yan mari, faras-gaarit gacca 'teenih, Yuudâ-mara kee Yarusalaam mara wakalih haysitta hayteenih, teetil meekitetton. Yarusalaam magaala daayiman dabaaqah teetil gaca mara mawayta.

Ermiyaas 17:25 ပူးပေါင်းရင်းမြစ်များ

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

2 Samuwel 8:4

Dawud alfi kee malcina boolih qaskaritay faras amok qeebi aba kee, ibi qaskarak labaatanni alfih num kaak yibbixe. Woo faarisik bool takkem gaari edde beyaana'gidih raaqiseeh, raqqa 'te faariisak xukcuunul yiggileeh iba waysiise.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 13:13

keenik intamaa, ‹Yoo YALLI a baaxol yan marak Dawuduk raaqe dardaarinna le mara kee, seeka kee nabuwwa kee raqqa 'ye maray Yarusalaamal yanihiyya, kamrik baqqa heenih katla fan amma akah iyyan innah keenik abeyyo.

Ermiyaas 22:2

Yuudâ-malikiy Dawuduk radehiyyaw, YALLI iyyam oobbey! Koo kee ku gubal tan doolat abbobti kee ku maray akke culahiyyak, YALLIH qangara oobbeya.

Ermiyaas 22:30

YALLI iyyam ah teeti: «A num xale xaylo, xale weeh gide. Abba heem gabal kaak mabicta. Yuudâ-baaxol Dawud qarkayto nagra samad kaak maraaqa. Tahat yabtam yoo YALLA» 'yaanam iyye.

Ermiyaas 22:4

Anu taway siinik inxicca elle axce'nnal abteenik, tonnal Dawuduk rade mari dumaak luk suge dardaarinna luk raaqeleeh, baxak baxal keenik raaqele. Ken kee ken gubal yan mara a qarih afak dumaak elle abak sugen innah, faras-gaari kee faroosat gacca 'yeenih culla bukka axcelon.

Ermiyaas 25:5

Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Ermiyaas 33:17

Macaay inteenik, kulli way Dawuduk rade marak numuk teena Israayil marih malik abeyyoomuh xagana siinih cula. Tahat yabtam yoo YALLA.

Ermiyaas 33:21

Too bis le qahdi Dawuduy yi naqasuh yanihiyya kee Leewih tooboke seeka lih heeh en. Toh kaadu macâ-qahdiiy inteenik, Dawuduk rade marak numuk teena malik abeyyo 'yaanamah qahdi culeeh, Leewih yooboke marak numuk teena sek abeyyo 'yaanamal qahdi culeh en. Ta qahdi baya qahdi hinna.

Ermiyaas 7:3

«Too waqdi farmoh keenik intaamah, YALLAY Nabaamak Nabah, Israayil doore Dagelta kinnihiyya siinik iyyaamah, ‹Edde tanin gita caba. Abtan taamak raaqa. Tonnal, elle tanin baaxol tanoonay sin axceyyo.

Ermiyaas 7:7

tonnal sin kaxxa abbobtih kulli waqdi ikoytah ecee baaxol elle aadettoonuuh, sin akak taysaarrem matana» iyye.

1 Samuwel 8:11

Ken malik ken elle xiinisu waa inna keenih warseeh; iyyemii, «Xaylo siinik isi qaskarah heele. Garab keenik usuk qeebi edde aba gaariirah taamat gaceleeh, garab kaadu faras amok qeebi abta qaskar akkele. Aki garab kaadu usuk qeebih gexa way amot akak yan gaariirah foocat ardelon.