Ermiyaas 17:20 - NABUWWA KEE MALIKWA

²⁰ Keenik intamaa, ‹Yuudâ-malikwa kee Yuudah-ummat kee Yarusalaamal tan ummatak, YALLI siinik iyyam oobbeya.

Ermiyaas 17:20 ပူးပေါင်းရင်းမြစ်များ

Ermiyaas 13:18

Ermiyaas kaadu qagseh iyyemii, «YALLI yok iyyemii, ‹Ama malik kee kay inak elle tanin dardaarinni korsik ooba keenik inxic. Woh akah excem, oson amot lon dardaarinni kalabta keenik raddeh.

Ermiyaas 17:19

YALLIH qangara yol obteeh; yok iyyemii, «Ermiyaasow! Gexay magaalak Yuudâ-malikwa akak cultaah akak tawqe afay Ummattâ-mawqa deqsittahiyyal, solla xicay yi farmo ummatah waris. Sarrak Yarusalaam magaalak sinam akak cultaah tawqe afoofih fanah inkih, gexay kaadu tokkel waris.

Ermiyaas 19:3

‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 21:11

Ermiyaas kaadu iyyemii, «YALLIH qangara yol obteeh yok iyyemii, Dawuduk rade Yuudâ-dardortik intaamah; ‹YALLI siinik iyyamaa, «Baaxol cakki yanim kee ane waam wagitaay yab cakkil kura. Sinam biyaaka mara kee biyaakisan marih fan wagitay yab qadaalatal keenih kura. Dulmi elle baahen numih cakki aba. Abe wayteenik, tonnal toh yi naqabu xaleleeh, yi naqbi sarra maxabbacoowa» 'yaanam keenik inxic› yok iyye.

Ermiyaas 22:2

Yuudâ-malikiy Dawuduk radehiyyaw, YALLI iyyam oobbey! Koo kee ku gubal tan doolat abbobti kee ku maray akke culahiyyak, YALLIH qangara oobbeya.

Yacedkel 2:7

Yab yaabbe mara hinnoonu'mmay, kok cinee kee oggole yakkoonay inxicaay, anu waris axcem keenih waris.

Yacedkel 3:17

«Bani-adantow, kok axceemih, Israayil marat dacayri hayu waam koo. Anu kok excem keenih warisaay, garci keenih kal.

Hosiqa 5:1

«Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Miika 3:1

«Israayilik abbobtih yan maraw, yoo ankacisa. Qadaalatat taamittaanam sin taamak tene'mmay,