Ermiyaas 17:18 - NABUWWA KEE MALIKWA

¹⁸ Yoo xakaake kala mara qawratak qid. Takkay immay yoo qawratak maqidin. Cunxo keenit qid; yot cunxo maqidin. Gadaama keenil oobis; rike rikeh kuramkuruumaanam fan bala keenil rub!» 'yaanam exce.

Ermiyaas 17:18 ပူးပေါင်းရင်းမြစ်များ

Ermiyaas 1:17

Tonna'mmay taway ugutay, anu kok axcu waam keenih warissa'gidih bical gac. Keenik mameysitin. Keenik meysitta intek, ken foocal kaxxa cunxoh akak cunxittam kot ruubeyyo.

Ermiyaas 11:20

Takkay immay toh eexege waqdi, inni Dagelta kallacak kaak exceemih, ‹YALLAW, Nabaamak Naba Dageltaw, atu cokmi qadaalatal aba Dagelta kinnito. Sahda tacsubem kee sahda niyat lem table'gidiiy kinnon mara keenik tasmite'gidih ken wagittah. Yol baahaanamak abtam atu isih taaxigeh. Kol cabah an. Yi Dageltaw, yol baahoonu waanamah, keenit abtu wayta digaala abali yoo hay!› axcuk xaaqime» iyye.

Ermiyaas 12:3

YALLAW, atu yoo taaxigeeh; abba haam yok tableh. Kacanuh koh liyoh gide kaadu yok taaxigeh. Hay, yi Dageltaw, a umeynit, masgaadah giitak beyan illih innal, yok ken eyxeer. Ken edde bayissu wayta ayro fanah, sahdak ken baxisay; ken deel!

Ermiyaas 14:17

Kaadu qagseh iyyemii, «Keenik intaamah, ‹Yi maraw, isin uma mudumuh muddumtoonu waytaanaah, kaxxam biyaakittoonu waytaanam ableeh; tohuk gexxaamah, bar kee loqoh intik ximo yok caxittaah, kulli way siinih abah an weeqat an› keenik inxic.

Ermiyaas 16:18

Oson aban uma-taama kee dambil namma addah taduure digaalah ken digaaleyyo. Macaay inteenik, baaxol yok umâ-yabulih-tan-duyyey rooci sinnihiyyat wasak aben. Woo duyye yalla axcuk yaqbuden» iyye.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 17:16

tohuh, anu ku taamah-loyna akkem macininniyo. A marat kaadu, gadaama takkem mafaxinniyo. Toh YALLAW, atu yok taaxigeh. YALLAW, anu axcem yok taaxigeh.

Ermiyaas 17:19

YALLIH qangara yol obteeh; yok iyyemii, «Ermiyaasow! Gexay magaalak Yuudâ-malikwa akak cultaah akak tawqe afay Ummattâ-mawqa deqsittahiyyal, solla xicay yi farmo ummatah waris. Sarrak Yarusalaam magaalak sinam akak cultaah tawqe afoofih fanah inkih, gexay kaadu tokkel waris.

Ermiyaas 20:11

Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.