Ermiyaas 17:11 - NABUWWA KEE MALIKWA

¹¹ Qagseh, «Lakqo gita-maliinol geya num naala xale waa kimbiirih bis le. Tonnah yan num qumrik garabah yamaate saaku, gaddaliinok luk suggu 'yeemik foyyal raaqa. Ellecabol duqur yakke» iyye.

Ermiyaas 17:11 ပူးပေါင်းရင်းမြစ်များ

Ermiyaas 22:13

Isi buxa cakki-maliinot xiseeh, isi marih cawalay tu elle ecee weehiyyat xise numow, kum tekkeh! Qarik amol sinam xoqut roosan xise numow, kum tekkeh!

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Qaamus 3:10

YALLI iyyamaa, «Numma akak inxicca 'yaanamak, isinni yeyxeere mara kinnon. Marin im dulmi kee qandet beyaanaah isinnih haysitan. Edde yaddereenim, marin imi.

Miika 2:9

Yi marih agabuy isi buxa kicinuk sugehiyya le buxaaxik tayyaaqen. Ken xaylo daayiman yi maqaane akah gee wayta'nnah abtan.

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.

Xafanya 1:9

Yalla maleela taqbude duyyeeya keenik kaxxih yaqbude mara digaaleyyooh; too maray gita maliinot sahdak geyya haa duyyet isinni dageltih qari bilqisahiyya digaaleyyo» iyye.

Zakariyya 5:4

YALLAY Nabaamak Nabahiyya bala ruubeleeh, too bala inkih tan garoqti kee xiibitak diraabat yabba 'ya marak buxaaxi culele. Too bala too marih buxak magexxaay, buxaaxi abur keenik abele» yok iyye.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.