Ermiyaas 17:1 - NABUWWA KEE MALIKWA

¹ YALLI iyyemii, «Yuudah-ummatey, isin edde tanin umaane birti-kalamat tunkuttubeh tan. Afqadok bagul siinik tunkuttubeh tan. Edde tankuttubem, birti-kalamay af akak gibdi-xaak yanihiyya kinniih; elle siinik tunkuttubem, afqado kee sadgat-bagul-akak-abtan-arooca.

Ermiyaas 17:1 ပူးပေါင်းရင်းမြစ်များ

Yasaqya 49:16

Wagitay! Migaq siinik gabâ-gennaqtah addal kutbeh liyo. Yarusalaam-ummatey, anu kulli way inti siinit liyoh; sin mahawweena.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Ermiyaas 2:22

Edde asseenih tanin dambik faxeemit kaqaltan way mataahirrowtan. Abten dambih wasak, faxe saabunut kaqaltaanamah, sin macaba. Abten dambih nadaysa uxih yi garil tan. Tahat yabtam yoo YALLAY mulki lehiyya.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Ermiyaas 4:14

Yarusalaam ummatey, waddintaana'gidih umaane afqadok isinnik kala. Bagut umaane kulli way maay xiinissan?

Hosiqa 12:11

Gilqad deqsita aracal kaxxa umaanet asa mari ambaxele. Gilgal rasul awurwa sadgatah qidaanah immay sadgat elle aban arac gubbik bagul gaaboysen qalum akkele» iyye.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 8:11

Dambi-kalootuh sadgat elle aboonuh, mango qibaadah-arooca elle xisaanamal, dambi keenik amagguk yamagge.

Zakariyya 7:12

Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.