Ermiyaas 16:7 - NABUWWA KEE MALIKWA

⁷ Kicinuk sugen num rabaamah, taqdiyyah sinam tittal matamaataay, rabe numih rabeynah maaqo titta lih mayakman. Numuk ina kee abba rabtaamah, taqdiyyah kaal yamaate num mageytima.

Ermiyaas 16:7 ပူးပေါင်းရင်းမြစ်များ

Ermiyaas 22:10

Yuudâ-maraw, Malik-Yoosiyaahuh maweeqina. Kay rabah markitinaay marookitina. Takkay immay kay baxa Yowaacadah kaxxam weeqa. Akak aduure waa beytoh kaa been. Ahak wadir elle yooboke baaxo wadirik mayaduura.

Yacedkel 24:17

Sinkibitah koo aabbe waama. Rookat taniimih asta koh takke'gidih, amok qumaamat makalin. Ibak kabella makalin. Foocal saro isik mahan. Rookita mari yakme maaqo maxagin» yok iyye.

Hosiqa 9:4

Too baaxoy kenim akke waytahiyya gexoonu waan saaku, qinabak bicsen kamri YALLIH sadgatah acayuk maraaqan. Sadgatah saq qidaanamah YALLI keenik maraabita. Tonnah yan sadgat woo saaku akminnaan numul caraamu akkele. Rabe numih migaaqal yakmen maaqoh gide keenil akkele. Satqak bagi kibah yakmen maaqoh gidek keenih loowimele. Oson sadgatah qidan saqih cado, YALLIH Qibaadah-Qaril aban sadgatah keenik moorobta.