Ermiyaas 16:4 - NABUWWA KEE MALIKWA

⁴ Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

Ermiyaas 16:4 ပူးပေါင်းရင်းမြစ်များ

2 Malikwa 9:10

Idebal matamoogoqa. Tet xagar Yidraqel rasul kuutâ-gadda akkele› 'yaanam kok iyye» kaak inxicca 'yek lakal, furraynuh yen nabi arduk gexe.

Yasaqya 18:6

Ken qaskarih raysi guma kee alluwwâ-gadda akkele. Ken raysa, cagay guma akmeleeh, alluwwa gilal akmele» 'yaanam iyye.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 19:7

« ‹Ta aracal Yuuda kee Yarusalaam mari abba haa mala keenik foyya abeyyo. Ken naqboytit qeebih keenik aysiiseyyo. Carbit ken qidsiiseyyo. Raysa keenik guma kee garboh alluwwah maaqo abeyyo.

Ermiyaas 21:6

Ama magaalah addal rooci leemik tu macabaay; dalka keenit rubbu heeh too dalkat ken seleyyo.

Ermiyaas 25:33

Too saaku YALLI qide marih raysi addunyak a exxaay woo exxal qangalaylut raaqele. Too marah num marookita. Raysa keenik ugussaah ken taaguqem mageyan. Saqi dacah innah, elle ken qiden ikkel, elle yanoonay ken axcelon.

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

Ermiyaas 34:20

Keenik naqboytiitih yan maray ken qidam faxahiyyah gabal ken heeyyo. Ken raysi qambil kee alluwwâ-gadda akkele.

Ermiyaas 36:30

yooy YALLAH yani tohul kol gacsam liyo. Ahak wadir kok rade mari Dawud-qarkayto managra. Dawuduk raaqe dardaarinna managran. Ku qaada koh warisu waa. Ku raysi laqo ayrô bagul qangalaylut aseleeh, bar waacal xiinele.

Ermiyaas 44:12

Yuudâ-marak isi rasul raaqeeh, sarrak Masri fan gexe maraw, too gexo baatih siinik orbelem ixiga. Nabam kee qunxam siinik Masril rabele. Qulul kee carbit ambaxetton. Yuble mari akak wariggitu waa embexih ambaxetton. Ummat ilaqtaah ces akak inta mara akketton.

Ermiyaas 44:27

Masril yan Yuudâ-maraw, tahak wadir sin mawaday, sin baatih ugteyyo. Carbi kee qululut embexxa 'taanam fanah sin macaba.

Ermiyaas 7:33

Rabe marih raysi guma kee yangula kee wakri maaqo akkeleeh; raysa keenik akme kala maray alluwwa xiiriyahiyya maraaqa.

Ermiyaas 9:22

Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Xafanya 1:17

YALLI iyyaamah, «Ummat inti maleelah innah tataf edde inta bala ummatal ruubeyyo. Dambi lem yol baaheeniih; tohuk gexxaamah a saaku qabal leeh innah keenik caxitele. Raysi keenik abicca 'yeh baaxô-bagul qangalaalele.