Ermiyaas 16:14 - NABUWWA KEE MALIKWA

^14-15 YALLI kaadu iyyemii, «Ahaysa ummatta, ‹Waara YALLAY Israayil ummat Masrik yeyyeeqehiyyah migaaqal xiibinna› 'yaanam duma axcuk akah sugen innah, m'iyyaanay; ‹Waara YALLAY Israayil ummat kilbat le kabut raqta baaxo kee, wohuk kalah tan baaxo baadissaay wadir ken gacissa heehiyyah migaaqal xiibinnah nan› edde iyyoonu waan ayroora amaatele. Macaay inteenik, away ken baadiseh immay sarrak, ken baaxoy duma ken kaxxa abbobtih ikoytah eceeh sugehiyya fanah ken gacseyyo. Tahat yabtam yoo YALLA» iyye.

Ermiyaas 16:14 ပူးပေါင်းရင်းမြစ်များ

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Miika 6:4

Masrik sin eyyeeqe. Edde sugten naqoosinnak sin kale. Muusa kee Haaruun kee Miriyam foocat siinik gacteh sin miraacissa'gidih, siinih ruube.