Ermiyaas 16:12 - NABUWWA KEE MALIKWA

¹² Siinih tu gactek, uma-taamah isinni kaxxa abbobtik lafittaanaah, yi yab yaabbe num siinit mayanaay, yabti-cina kee uma-taamah-abittoh num numuk siinik mayaysaay inki bis liton.

Ermiyaas 16:12 ပူးပေါင်းရင်းမြစ်များ

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 17:9

«Kulliimik muxxi mako kee duquurisiyya lem, sahdayti-afqado. Toomeh taniih; tet adda taaxigem matan.

Ermiyaas 18:12

Takkay immay, ‹Aleeyyah edde nan gitak akah naduurem mannu. Yabti-cina kee uma-taamak ninnih fanxeh gide abenno› 'yaanam kok axcelon, yok iyye» iyye.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Ermiyaas 9:14

Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Yacedkel 20:30

Tonna leemiik Israayil marak intaamah: «YALLAY Mulki lehiyya siinik iyyaamah, ‹Isin kaadu sin abbobti abak sugte uma-taama macah abtaanaah; isinni nabsi nadaasat macah culsaanah? Oson aqbuduk sugen xeet kee cooxuk bicsen duyyeh lakat macah tarden?

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

Malaaki 3:7

YALLAY Nabaamak Nabahiyya iyyaamah, «Siinik duma sugte sin kaxxa abbobtik kaxxih, anu siinih oobise xinto cinteeniih, isinnih faxxen gita kattatten. Maabina yol uduura, siinil aduureyyok. «Isin, ‹Yallal naduuruh maca abnooh?» intan.

Makaabon 2:19

Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.

1 Samuwel 15:23

Kay amri cinaanam baab-abittol yaamineenimih gide dambik le. Kaxxa-mariinoh, YALLA cabba heenih xeet kee cooxuk bicsen duyyeeya yaqbudeenimih gide dambik le. Tonnal atu YALLA cinteeh, YALLI kaadu Israayil ummatih amoytiinu koh cineh» kaak iyye.