Ermiyaas 16:10 - NABUWWA KEE MALIKWA

¹⁰ « ‹Taham atu keenih warissu wayta waqdi, «YALLI annah tan kaxxa digaalah nee akah digaalam faxam macaay? Maca kaal bahnee? Sugay noysommeeh, ninni Dageltay YALLA kinnil bahnem macaay?» 'yaanam kok axcelon.

Ermiyaas 16:10 ပူးပေါင်းရင်းမြစ်များ

Ermiyaas 11:17

«Yoo YALLAY Nabaamak Nabahiyya duma Israayil kee Yuudâ-mara caxah innah uysubukeh suge'mmay, ta saaku bala keenil oobiseyyo. Toh keenik akah abu waam, umaamay dambi lehiyya baahaanaah, Baqal akak iyyaanamay yaqbudeenihiyyah sadgat abaanaah, naqabu yot culsan» 'yaanam iyye.

Ermiyaas 13:22

‹Ah inkih net akah tekkem macaay? Sari nek akah qanxixeeh; a axxul le biyak xagarat nek akah yekkem macaay?› bagul inteenik; toh siinit akah tekkem, sin dambih manga.

Ermiyaas 2:23

« ‹Away nadaysa leemit maasinnino› elle intaanam mannaay? ‹Baqal deqsitta rooci sinni duyye maqbudinnino› mannal intan? Goloh addal abten dambi isinnik maay taaxigen? Taaxigeenih. Abtaanam isinnik maay tablen? Tableenih. Maatah tan ala tekken.

Ermiyaas 2:35

‹Umaane mabna; Yalli nee maniqba› 'yaanam intan. Abten dambi yengedde mara kinnitoonuuh; tohuk gexxaamah sin akah digaaleyyo.

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.

Ermiyaas 5:19

‹A axxul le umaane nel akah baaham faxam macaay?› kok iyyoonu waan waqdi, Ermiyaasow, atu keenik intu waytaamah, ‹YALLI, isin yoo cinna hayteenih mari aqbuduk suge duyye isinni baaxoh addal taqbudeeniih, tonna'mmay isin kaadu sin baaxo akke sinni marin baaxol marin naqoosa akketton, yok iyye› keenik axcetto» iyyah yan.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Hosiqa 12:8

Too waqdi afak, ‹Nanu gaddaleela nekkeeh; abne taamal geyneh, makot abnem mannuy dambit maasinnino› iyyan.