Ermiyaas 15:9 - NABUWWA KEE MALIKWA

⁹ Xaylok malciin le inak malciin rabeleeh, is wariggah qawlele. Laqo bari bis teetil akkele. Sinam burutta barray kulli way niya akak baxaqta akkele. Rabak raaqu waa mara keenik carbi gadda abeyyo. Tahat yabtam yoo YALLA kinni» iyye.

Ermiyaas 15:9 ပူးပေါင်းရင်းမြစ်များ

Yasaqya 47:9

Tama isin net matakka inteenim siinit akkeleeh, inki ayroh addat siinit akkele. Xaylo qunxih siinik rabeleeh, agbi siinik gubuunuh raaqele. Ramli qida kee ginnilil akah gexxaanamah, tah siinik raq lem hinna.

Ermiyaas 19:7

« ‹Ta aracal Yuuda kee Yarusalaam mari abba haa mala keenik foyya abeyyo. Ken naqboytit qeebih keenik aysiiseyyo. Carbit ken qidsiiseyyo. Raysa keenik guma kee garboh alluwwah maaqo abeyyo.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 44:27

Masril yan Yuudâ-maraw, tahak wadir sin mawaday, sin baatih ugteyyo. Carbi kee qululut embexxa 'taanam fanah sin macaba.

Ermiyaas 50:12

Takkay immay sin kaxxa magaalat umâ-yabulih tanim akkele. Inah siinik sugte magaala qaybit radele. Baabelon doolat, doolatak gacca 'ta doolat akkele. Baabelon num sinniih lac sinni baaxoy kaffa karacca 'te akkele.

Ermiyaas 6:4

Too waqdi, «Yarusalaam tabbaxoonuh bical gaca! Wallaqenti yakke waqdi qeebi teetit abennok bical gaca» axcelon. Carri yakke waqdi, «Ahaysa bari yekkeh yaniih udurrunneh nanik, bar keenit abnay; inkih yan bar nee xiqelek. Magaalat koositih bicsen arooca baysenno» axcelon.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

1 Samuwel 2:5

Duma cayit suge mari qululut yanih, a saaku maaqô-goranah marin taamat taqabit yanin. Qululut suge mari qulul cabeh. Maxalaytoh sugte barra malciin xalteh; mango xaylo luk sugte barra foyyah raqte.