Ermiyaas 15:18 - NABUWWA KEE MALIKWA

¹⁸ Hay ta gideh biyak yot akah yakkem macaa? Liyoh an dale yok akah ure waytam macaay? Cagay kafa buyyih innah, foyyal yoo cabtam maay faxxaa?» 'yaanam exce.

Ermiyaas 15:18 ပူးပေါင်းရင်းမြစ်များ

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 14:3

Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.

Ermiyaas 20:18

Akah oobokem kinni sabab maaxiga. A gibdaabina kee a umaane able'gidih maay oobokee? Ta qaybi able'gidih maay kinnii?» 'yaanam exce.

Ermiyaas 20:7

YALLA lih yaabeeh exceemih, «YALLAW yoo aylahisseh, kol aylahite. Qandeh yok taysem aaxigeh; caylah yok teyseh. Sinam burah af yol raqeeqissaah, anqaasah yol raban. Inkih tan ayro yol anqaasak asan.

Ermiyaas 30:12

YALLI kaadu iyyeemih, «Abten mudum akak urtan mudum hinna. Sin dale urta dale hinna.

Ermiyaas 30:15

Siinit yekke mudumut ahaysa mayaabina; sahdayti sin akak daylisu maduuda. A biyaakah sin akah biyaakem, dambi siinik manguk sugeeh kaxxa dambih addat sugteeniih; sin akah biyaakem tohu.

Miika 1:14

Tahaysa Moreset-Gat deqsita mandarak salaamata inxica. Israayil amoytitte Akdib deqsitta magaalak cato mageyan.

Miika 1:9

Samaariyah mara yabbaxu waa biyak, caba biyak hinna. Yuudâ mara kaadu too bis le biyak abbixele. Baati yi mari elle yan Yarusalaamak culma gufele» iyye.