Ermiyaas 15:13 - NABUWWA KEE MALIKWA

¹³ YALLI qagseh, yok iyyemii, ‹Yi marih duyye kee edderra heenim keenik beyu waa mara keenit ruubeyyo. Toh keenik akah abu waam, a baaxol aben dambih sabbata.

Ermiyaas 15:13 ပူးပေါင်းရင်းမြစ်များ

Yasaqya 52:3

Macaay inteenik, YALLI iyyaama, «Naqoosa tekken saaku, siinih lakqo mahannoonuuy; a saaku kaadu currih tawqeeni'gidih, yagdiyen lakqo matan» 'yaanam iyyah yan.

Yasaqya 52:5

A saaku kaadu tonnah tanim siinit tekke. Seewah been marah tantoonuuh, wohul yeexegen lakqo matana. Sin amol reedah yan mari yol tirtirisaah, ‹Nanu abnu waynaamow› iyyan. Inkih tan ayro yoo xaafak assan.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Ermiyaas 20:5

Oson buxal luk suggu 'yeenimiy edderra heenik tu macabaanay, inkih keenik beelon. Buxal luk suggu 'yen duyyek tu macabaanay keenik buubelon. Yuudâ-malikwa buxah addal luk sugte duyye inkih, kaadu isinni baaxo fan keenik beelon.

Yacedkel 38:13

Saba kee Dadan deqsita rasuk yemeete mara kee, wohuk kalah, Isbaaniya rasuk yemeete badaaqat aba mari kok iyyu waamah, ‹Qaskar luk amma 'teh qeebi sinaamat akah abtem, duyye keenik buubta'gidi innaa? Dahab kee lakqo kee lac kee duyye buubba hayteh gabat luk gexxam maay faxxaa?› kok axcelon» iyye.

Xafanya 1:13

Luk suggu 'yen gaddaliino keenik buubelon; buxaaxi keenik bayselon. Xissiten qarwat magacan. Yubquren qinabih kamri mayaaquban» 'yaanam iyye.