Ermiyaas 15:1 - NABUWWA KEE MALIKWA

¹ Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 15:1 ပူးပေါင်းရင်းမြစ်များ

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

Ermiyaas 10:18

Macaay inteenik, YALLI iyyaamah: «Away a baaxok ken xiiriyeyyo. Kaxxa gibdaabinay uma'nnah ken biyaakisahiyya keenil oobiseyyo» iyyah yan.

Ermiyaas 11:14

Tonna'mmay Ermiyaasow, ta marih qaadah, dooqah gaba yol maruubin. Ken qaadah yoo makallacin. Gadaamitoonu waan waqdi, yoo kallace loonu'mmay keenik maabba› yok iyye.

Ermiyaas 14:11

Sarrak YALLI yok iyyemii, «Atu Ermiyaasow, ‹A marih taagah yoo makallacin.

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

Ermiyaas 15:19

Too waqdi YALLI yol gacsemii, «Yol tuduurek, koo gacseyyooh, uxih inni naqasu koo abeyyo. Maqna sinni yaabat yaabe waytaah, sinaamah tuxxiq le farmo warissek, uxih yi nabiy akah sugteh koo gacseyyo. Ellecabol sinam elle tamaate numuy sinam fanah gexe waahiyya koo abeyyo.

Ermiyaas 16:13

Tonna leemiik a baaxok sin ayyaaqeyyooh, duma sin kee sin kaxxa abbobtik num aaxaguk suge wee baaxo fan sin ruubeyyo. Tokkel bar kee laqoh yi aftok xeet kee cooxuk bicsen tumamme aqbudetton. Tahak wadir yi kabuk siinih racmataanam gaba kalteh, 'yaanam keenik inxic› yok iyye» iyye.

Ermiyaas 16:5

«YALLI qagseh yok iyyemii, ‹Sahda elle rookitah table qari maculin. Faxe numih rabah marookitin. Anu ahak wadir a marak inni barkat kaleeh, keenih luk suge kacanuk raaqeeh, keenih maxuwaawa.

Ermiyaas 18:20

Maqaane abe numul umaane gacsaanaa? Keenih abe maqaanel, galtoh edde rada boodo yoh dagan. YALLAW, ku bagcarra ken biyaktaamak, ken taagah ku foocal abe kallaci yok taaxigeh.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 23:39

tonnal tahak wadir sin kee isin elle tanin magaalay duma sin kaxxa abbobtih eceeh sugehiyya ukkuqqa heeh baaxot qideyyo. Inni foocak sin kaleyyo.

Ermiyaas 35:19

Toh ubleeh; tohuk gexxaamah, yoo YALLAY Nabaamak Nabah, Israayil doore Dagelta kinnihiyya xagana siinih cula. Toh maa xagnaay inteenik, Rekáb-Yonadabak rade marak lab-baxay kulli way yi qibaadat gacu waahiyya aabukele. Ta qaada adok adol raaqele› 'yaanam siinik iyye» keenik exce.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Yacedkel 14:14

Too saaku Nuuc kee Daaniyel kee Ayyuub sugta way, ken maqaane ken cate waytek, a marah tu xiqak mananna. Tahat yabtam yoo YALLAY Mulki lehiyya» iyye.

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Zakariyya 3:3

Yoosuwa too waqdi wasak le sarat anuk, wokkel malaykattih foocal soolak yen.

Makaabon 5:9

Yi afqado Israayil qaskarih abbobti lih tan; isi fayxiik qeebi abe mara lih yok tan. YALLA fayla taafay!

1 Samuwel 12:19

Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 7:9

Too waqdi Samuwel anaqtu qideeh, woo anaqtu elle yani'nnaak YALLIH sadgatah cararise. Sarrak YALLI Israayil ummatah nasri yecee'gidih dooqa abe. YALLI too dooqa kaah oggoleh.