Ermiyaas 14:7 - NABUWWA KEE MALIKWA

⁷ Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 14:7 ပူးပေါင်းရင်းမြစ်များ

Qedra 9:15

YALLAY Israayil ummatta doorehiyyaw, qadli lem kooy; tonna'mmay ta saaku fan abne umaaneh saabo nee macabsiisinnito. Abba hayne umaane ninnik away qaddosnah nan. Ku foocah elle namaate inna mannu» 'yaanam exce.

Yasaqya 48:11

Abem akah abem, inni migaaqih taaga. Macaay inteenik, yi migaq bayam abalih tibba 'ya Dagelta hinniyo. Yi nabna yiimi'kkal gersiimit tabta nabna hinna»

Ermiyaas 10:19

Yarusalaam-ummatta too waqdi weqteeh: «Woyyow ni nabsow! Uma mudumuh muddunneh nan. Nanu abnem akak uran mudum hinna» iyyen. Takkay immay bagul, «Ni biyaakal nasbirem nel tan.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Ermiyaas 5:25

Isin abtan dambi kee umaane, ta maqaane sin gee kalteh.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 20:22

Takkay immay, Israayil mara Masrik ayyaaqih yoo yuble mango baaxoh marih garil, inni migaq darraqoysam mafaxiyyooy; tohih sabbatah, ken baysaamak raaqeh.

Yacedkel 20:9

Takkay immay addal akak sugen marih foocal, ‹Masrik amaanah sin ayyaaqeyyo› 'yaanamal xagana keenih culeh suge. Tonna-leemiik, inni migaaqih taagah inni naqabu keenil oobisaamak wadir eedeh.

Hosiqa 5:5

Israayil mari le kaxxiina, kinnon mara keenik taybullee. Ken dambi ken yaydafoofoleeh, ken yankiseh. Yuudâ mari ken lih annikissele.

Hosiqa 7:10

Israayil maral, loonuh yanin kaxxiina sumaaqitta. Mangom keenit tekke'mmay, tohuh, yooy YALLAAY keenik kaadu Dagelta kinnihiyyal maaduurinnon.

Qaamus 7:2

Too qanayti too baaxol ubukku 'teh anxaxxowwa 'tam inkih selli haam uble. Toh uble waqdi, dooqa abeeh exceemih, ‹YALLAW, Mulki le Dageltaw, ummat bahte dambik qafu keenih ab. Israayil ku ummataay; dago mara kinnoonuuh; tohuk gexxaamah ahak elle raaqan inna maloonuk, qafu keenih ab› 'yaanam dooqah exce.

Miika 7:9

Dambi lem bahneeh, tohuk gexxaamah YALLI nee yinqibeh. Tonna leemiik ta saaku usuk net aba digaala raabitnam nel tan. Macaay innek, YALLI ellecabol umaanek kalalu neh akkele. Sinam duma nel bahte umaaneh aftok neh amqele. Ditek iful nee ayyaaqele. Nee cateleeh, kay cato geenno.

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.