Ermiyaas 14:3 - NABUWWA KEE MALIKWA

³ Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.

Ermiyaas 14:3 ပူးပေါင်းရင်းမြစ်များ

2 Samuwel 15:30

Dawud ‹Madeera-li Qale› deqsitak ten qale boogisak yewqe. Too waqdi ib-qassih yeneeh, amot saro heeh yen. Kaa'lih yen mari yakkeemiik kaak kaxxih amô-sara isik hayya heeh, woo qale kaa'lih boogisak yewqen.

2 Samuwel 19:4

Malik Dawud foocal gaba hayya heeh boogiseeh, «Yi baxaw, yi Absalaamow, woyyow, yi baxaw, woyyow, yi baxaw» iyye.

1 Malikwa 17:7

Waqlak wadir robti waytik gexxaamah woo buyyi kafeh.

2 Malikwa 18:31

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay, edde tanin ikkek eweqay gaba yol acuya. Toh abteenik, kulli num siinik is qinabih xaylo akmeleeh, isinni *sublak kaadu sublâ-xaylo akmettoonuuh, isinni qelwak lee aaqubetton.

Aster 6:12

Tohuk gaba kalen waqdi, Mordakay malik qarik afa fan gexeeh, Haaman wacarriyih namma gaba amol luk isi buxah arduk yuduure.

Ermiyaas 14:4

Robti waytih baaxo kaffa karacca 'ye. Tohuk gexxaamah, buqre aba marak niya tiddigilleh; aban wacarriyik gexxaamah, fooca isinnik reebisan.

Ermiyaas 15:18

Hay ta gideh biyak yot akah yakkem macaa? Liyoh an dale yok akah ure waytam macaay? Cagay kafa buyyih innah, foyyal yoo cabtam maay faxxaa?» 'yaanam exce.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 2:37

Masri addak wacarriyih gamoomak awqetton. Anu isin elle teemenen mara siinik cineh. Tonnal oson siinih tu xiqe waa mara akkelon» 'yaanam YALLI siinik iyya.

Ermiyaas 20:11

Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Hosiqa 2:3

Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele.

Ayyuqel 1:20

Dubaali leê-waytih bakaarite. Lee akak aaqabuk yen buyyitte kafteh. Tohuk gexxaamah dubaali kinni way kol weeqa.

Qaamus 4:7

Daro edde taabuke alsittet rob sin waysiise. Magaalak teenah rob eceeh, magaalak teenal rob waysiise. Buqre baaxok baaxok teenah rob eceeh baaxok teenah kaliteh.

Qaamus 4:8

Tohuk gexxaamah, mango magaaloolih mari kaxxa bakar ken yibbixe waqdi, lee elle geeloonum yekkelen magaala gexeeni'mmay, lee elle magennon. Toh inkih abalih yol maaduurinniton.

Zakariyya 14:17

YALLAY Nabaamak Nabahiyya isinni malikih intit able waah, Yarusalaamal kaa aqbude waa marih baaxol, rob marada.