Ermiyaas 14:2 - NABUWWA KEE MALIKWA

² «Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Ermiyaas 14:2 ပူးပေါင်းရင်းမြစ်များ

Yasaqya 15:5

Mooyab-marah afqado yok danantah. Macaay inteenik, yasillimem faxa mari Xooqar kee Qeglat-Selisiya fan kuda. Marak teeni weeqak Lucit fan beya gita gexan. Marak teeni anay fayya haak boogisak Coronyim fanah kudan.

Yasaqya 24:11

Qinab kamrih waytih ummat «Woyyow» axcele. Duma akkuk yen farcat amurruqele. Farcat kee ruffa ahaysa addunyal gaba kalele.

Yasaqya 24:4

Baaxo kafeleeh, coox laqaymuumele. Addunyâ-bagul yan mari boolaatele. Kaxxa marah yan mari aqunxuyuk maacisele.

Yasaqya 24:7

Qinab xala coox kafele. Qinabak bicsen kamri waytimele. Tohuk gexxaamah duma farcatat suge mari qaadele.

Yasaqya 3:26

Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Yasaqya 33:9

Baaxo kafteeh, coox laqaymuume. Lubnaan garbo kafte. Saronuy qaxmeqe-baaxoh sugte bakarroyta tekke. Basan rasu kee Karmel qalel yan cooxuk ayyuufi luuqa.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Ermiyaas 11:11

Tonna leemiik yooy YALLAH yani taway bala keenil ruubu waam naharal ken aysixxigeh ani'mmay, kudaanam faxaanamah mayasillimaanam yaaxigeenimi. Catoh yol weeqaanamah, keenik maabba.

Ermiyaas 12:11

Baaxo yok bakarroyta aben. Lac sinniih num sinni baaxo tet aben. Inkih yan rasi abuuruy sahda elle deedalta yekkeh; tohuk tu iyya mari mayan.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Ermiyaas 18:22

«Anu edde rada'gidih, boodo yoh dagaanamat yaniiniih; garciik edde rada'gidih, oflo yoh heenih yaniini'mmay, oson cube'kal, buxa keenik buuba mara keenit rub. ‹Woyyow, net tekkeemow!› axcuk ken weeqis.

Ermiyaas 4:28

Tonna leemiik, baaxo rookitele; qaran dattoowele. Tah intam yooy; exce yaabat maqagita. Excem exceh ikkal, tohum abeyyo› 'yaanam iyye.

Ermiyaas 46:12

Sin qaybi rasi inkih yoobbeh. Isin abten weeqa aabbe wee mari mayana. Qeebil agiirak yan mari titta cabeh kudelon. Too waqdi titta ankiseloonuuh, asillimi titta mahaan», 'yaanam YALLI iyye.

Ermiyaas 8:21

Yi ummatta massaammat taniih, tohuk gexxaamah niya yok tiddigilleeh; nugbi yok rade. Keenih xarraqa yoo tibbixe.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Ayyuqel 1:10

Buqre elle abak yenen baaxol buqre matakkaay, baaxo foyyah raqta. Macaay inteenik, aabakuk ten daro bayteeh; qinab xaylo kaffa karacca inteeh; zeyti (saliid) akak bicsan xaylo xalak yen coox kafe.

Ayyuqel 1:11

Buqre aba maraw, boogisa. Qinab xala coox aysubukuk yen maraw, rookita. Macaay inteenik, kamadi kee gabru deqsitta darooy, wohuk kalah tan daro inkih bayte.

Ayyuqel 1:14

«Takkeenimiik inki aracal qibaadah gaabowwa 'xicay sooma» 'yaanam inxica. Yuudah abbobti akak macabinay, Yuudâ marah inkih seecaay; Qibaadâ-Qaril sin Dageltal weeqa.

Ayyuqel 2:6

Ta qanay amaatih yable marat warigga radda. Fooci sinaamak dattoowa. Garih akak yemeete marat axaxo hayta.

Caggay 1:11

Baaxooy, koomaamiiy, buqreh aroocaay, qinab xaylo elle taabuke aroocaay, *daytuun xala cooxuuy, baaxol ubukka 'taamay tankammehiyya kee, ummataay laa kee saqal inkih qabar ruubeyyo. Abtan taamak tu morbissan» inta farmo keenih ruube.

Zakariyya 7:13

Anu ken lih yaabe waqdi, yoo aabbe cineenimih sabbatah, ken dooqa moggoliyyo. Tah intam yoo YALLAY Nabaamak Nabahiyya.

1 Samuwel 5:12

Woo dalkah rabe wee marih agantah a laahi-baxxi biyak luk yeneenih, ken xongolo kee weeqi qaran fan gufe.

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.