Ermiyaas 14:14 - NABUWWA KEE MALIKWA

¹⁴ Too waqdi YALLI yok iyyemii, «Ama nabuwwa kinnino iyya mari sin lih edde yaabam diraaba. ‹Yalli nee ruube› 'yaanam siinik iyyaanaah, ‹Yalli wacyih woh nek iyye; ah nek iyye› iyyaana'mmay, toh diraaba. Anu ken maruubinniyo. ‹Wonnah yan saaku woh akkeleeh, ah akkele› axcuk keenih warsaanam tanim hinna. Isinni amok yeyyeeqeenih baahan yaaba.

Ermiyaas 14:14 ပူးပေါင်းရင်းမြစ်များ

Yasaqya 56:10

Israayilit dacayrih yan mari inkih, inti-maleelaay iggimaleela. Oson dacayrih buxat yan kutay tu yableemih kaaye waahiyyah gide. Deerih gacca 'yeenih xiinan. A mari manxu xin kicna. Soonitaanamak sa abaanam malon.

Yasaqya 9:15

Amo keenik idoolay oson assakaxxuk sugeeniiy; geerah keenik tanim, nabuwwa kinnino iyya maray dirab acayuk sugehiyya.

Ermiyaas 20:6

Too saaku koo kee ku kataysiisiy, atu sirrih woh ubleeh ah akkele akak axcuk sugtehiyya, Baabelon baaxo fan beeloonuuh; sarra tokkel rabetton. Magaq tokkel siinik akkele. Kok buxah marih agantah tonnal akkele› kok iyye» kaak exce.

Ermiyaas 28:11

Sarrak ummatak foocal iyyemii, «YALLI iyyeemih, ‹Malik Nabkadnessar mango ummatih fillal yabbixe madmad sinaamak elle kalu waam tama'nna. Ta namma sanatih addat, toh elle exce'nnal, abeyyo› 'yaanam iyye» iyye. Tohuk wadir Ermiyaas isi gexoh gexe.

Ermiyaas 28:13

«Cananiya fan gexay kaak intaamah, ‹YALLI kok iyyaamah, «Cooxuk bicsen *madmad tiggileh immay wokke birtak bicsen madmad ciggiiliseyyo kok iyya› kaak inxic. Qagissa haay kaak intamaa,

Ermiyaas 28:15

Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Ermiyaas 29:21

«Tonna'mmay YALLAY Nabaamak Nabah, Israayil doore Dagelta kinnihiyya, Kolaayah-Acab kee Maqseyaahû-Xidkiya deqsitta namma numih tiyak iyyaamah, ‹Oson siinil yaceenim diraabaay; YALLI nek iyye axcuk diraabat sin lih yaaban. A namma num, Malik-Nabkadnessar gabal ken heeyyo. Too malik siinik foocal xabba ken heeh ken qidele.

Ermiyaas 29:31

«Baabelon fan seewah beyya heen marak intamaa, YALLI siinik iyyamaa, ‹Nacelaamal yooboke Samaqya dirab siinil yaceeh, anu kaa maruubinniyo'mmay, anu kaak axce weem, anu excem siinit celsiisa. Dirab numma siinit celsiiseeh; kay yab teemeneenih.

Ermiyaas 37:19

Isin nabuwwah luk sugten maray ‹Baabelon-qaskar qeebi kot mabtaay ku marat mabta› axcuk sugehiyya, a saaku maca yekken?» kaak iyye.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Ermiyaas 8:11

Yi mari kaxxa biyaakah biyaakita immay, sahlih yaniinim celsiisan. Baaxo amaan mali'mmay, «Baaxo sahliiy, amaanaay; umaane matana» iyyan.

Yacedkel 12:24

«Ahak wadir able ween wacyi nubleh iyya mara kee, akke waytu waytam akkele inta nabuwwa Israayil ummattah addat matablan.

Yacedkel 13:2

«Bani-adantow, a isi amok eyyeqqa heeh, ‹Nanu wacyi nuble› iyya maray nabuwwa akak iyyaanak intaamah, ‹YALLI siinik iyyam oobbeya› keenik inxic.

Yacedkel 13:23

Tahaysa able wayten wacyiy ‹Nubleh› intaanahiyya kee, akke waytu waytaamay ‹Akkele› axcuk dirab akak teceenihiyyah dirab gaba kaleh. Anu YALLA kinniyom yok elle taaxigeeni'gidih, inni mara sin gabak currih ayyaaqeyyo» iyya.

Yacedkel 21:29

Tableenim deedala wacyi. Akkele intaanam diraaba ikkal takkem hinna. Umeynit kinniton; uma taama sinimi. Ellecabo digaala siinit takkuh, kabba 'teh tan. Filla siinik edde yargiqoonu waan seef yan.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Zakariyya 10:2

Duyye kallactaanam tu matanfiqa. Faal qida mara tu esserten waqdi, too mari siinil yaceem diraaba. «Nuble soonoh maqna siinih warsennok aytikuma» siinik iyya mari kaadu yeceem deedalaay, sahda gitak makot beyan. Tohuk gexxaamah ummat, baye illih innah, finqat tan. Abbay ken miraacisa maloonuuy, edde yaniinim gadaamah adda.

Zakariyya 13:3

Tahak wadir ‹Nabi kinniyooh wacyi ubleeh, wonnah tanim akkele› iyya num yenek, kay ina kee kay abba, ‹YALLI edde yaabe wee yaabat yabteeh, dirab teceeh; tonna leemiik rabtam kol tan› kaak axcelon. Tonnah yan diraabat yaabah kaa yoobben waqdi, kay xaleena kinni way seefit kaa qidele.