Ermiyaas 13:27 - NABUWWA KEE MALIKWA

²⁷ Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Ermiyaas 13:27 ပူးပေါင်းရင်းမြစ်များ

Yasaqya 57:7

Sadgat abtaana'gidiiy dalwa elle abtaana'gidih, kaxxa qaleela tawqen.

Yasaqya 65:7

Anu siinik axcem liyo: ‹Sin kaxxa abbobtih dambi kee isinnih edde assen dambih anu digaaleyyom siini. Tohuk sabab yoo esserteenik, qaleela kee koomam amol cado akak carrisan sadgat abeenih yoo xaafak sugen. Duyyeeyah qibaada elle aben. Tonna leemiik tohuk gexak oson edde asen umaane tohul taguude digaalah digaale ken liyom digga› » 'yaanam axcuk YALLI yaabe.

Ermiyaas 11:15

YALLI kaadu iyyemii, «Yi maray anu kicinuk sugehiyya umam abam ableh anik, hay sugay, yi Qibaadah-Qarih adda culaanamih ruksat keenih teceem iyyaay? Nadri yoh culaanaah, sadgat yoh abaanamah, keenil obtu wayta bala isinnik cate loonum maay yakkalen? Tah ken ruffa haytam tekkek, abbaasitoonay.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Yacedkel 16:23

«Yoo YALLAY Mulki le kok axceemih, ‹Woyyow! Kot takku waytaamow! Ta axxul le umaanet assek wadir,

Yacedkel 2:10

Woo gabaa, kutbe elle tan arabay xambabbaqut yanihiyya foocal yok fakka hayte. Too arabak namma bagul inkih takku wayta xarraqa kee rooka kee booge elle tunkuttubeh ten.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Yacedkel 24:12

Abba heen taqabi foyya yakkeeh, tet wasak girat kinni-way makatinna. Tet kee teetil yan dicil girat qid!

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Yacedkel 24:6

«YALLAY Mulki lehiyya iyyaamah, ‹Sahda qida marih magaala baateh; dicil baahek sah akak duugume waa distih gide tekkeh tan. Tet addal cado awqa-awqah beeloonuuh tu macaban.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

Yacedkel 6:13

Woo oson Yalla 'yeenih yaqbuden duyye kee, sadgat elle aban aracih dariifal, raysi tittak bagul gacele. Kaxxa koomaami kee qaleelâ-sanaay, silal-le-coox kee sublâ-gubay qaydarus qeerisakaay xeet kee coox elle aqbuduk sugeenihiyyal, raysi raaqele. Too waqdi ummat inkih YALLI yoo kinnim aaxigele.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 8:5

Samaariyal yan maraw, dahabak bicsen daheltih ceeloy taqbudeeni ablem mafaxa. Tah aba mara anqibeh. A mari taahirik tan taama abu waam, maa saakuk tan kaa?

Xafanya 3:1

Xafanya iyyeemih, «Yarusalaam magaala yabti cina leeh, tutlukeeh, isi ummatat xukkuttah immay baati teetit akkele!