Ermiyaas 13:25 - NABUWWA KEE MALIKWA

²⁵ ‹Sin ellecabo tamaha› siinik axce. Yoo cinteenih, gabak bicsen duyyel teemeneeniih; tohuk gexxaamah anu siinih malsem tamaha. Tah intam yoo YALLA.

Ermiyaas 13:25 ပူးပေါင်းရင်းမြစ်များ

Yasaqya 17:4

YALLI iyyaamah, «Too ayro Israayil marih nabna gaba kalele. Xagar keenik boolatakaay qakkootak qakkootelon.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 34:17

Baaxo keenih kurtu waytam YALLA'mmay, tokkel dabaaqah sugelon. Baaxo kaadu daayiman kenim akkele.

Yasaqya 65:7

Anu siinik axcem liyo: ‹Sin kaxxa abbobtih dambi kee isinnih edde assen dambih anu digaaleyyom siini. Tohuk sabab yoo esserteenik, qaleela kee koomam amol cado akak carrisan sadgat abeenih yoo xaafak sugen. Duyyeeyah qibaada elle aben. Tonna leemiik tohuk gexak oson edde asen umaane tohul taguude digaalah digaale ken liyom digga› » 'yaanam axcuk YALLI yaabe.

Ermiyaas 10:14

Tah inkih abalih, sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna. Ta duyye deedala'kkalah, tu xiqtam hinnaay tanim hinna; Yallih digaala tamaate saaku, baatu wayta duyye.

Ermiyaas 18:15

Yi mari yoo cabba heeh tu xiqe sinni gabak bicsen duyyey yallah loonuh qaydarus ruuban. Meqe gitay kataate raareenihiyyak, too duyyeh qibaaday edde yaniini ken raaqisseeh, makot ken beyte. Ken kaxxa abbobti kataatak sugte gita cabba heenih, makot yan gitat gexaanam dooriten.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Ermiyaas 3:21

Ermiyaas iyyemii, «Allak qaleh amok xongolo yol radda. Too xongolo akak raddam, Israayil maray isi Dagelta hawweeneeh, dambi le taamat asehiyyak ten. Too mari aba weeqa kee, kallacih aban xongolo yol radda» iyye.

Yacedkel 23:35

Yoo YALLAY Mulki lehiyya kaadu axceemih, «Yoo hawwenteeh darre yot cabteemih sabbatah, ama litoh tan sammô-xagit kee abtah tan dalwak gexxaamah, biyak kol oobele» iyye.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.