Ermiyaas 13:20 - NABUWWA KEE MALIKWA

²⁰ YALLI iyyemii, «Yarusalaam maraw, wagitay! Naqboytit kilbat le kabuk siinit tamaate. Amo elle muquk sugten mari, a saaku maca abe? Sin maray kaxxam edde akkaluk sugteenihiyya anke gexe?

Ermiyaas 13:20 ပူးပေါင်းရင်းမြစ်များ

Ermiyaas 1:14

Too waqdi YALLI yok iyyeemih, ‹Umaane kilbat le kabuk a baaxol yan maral facak amaatele.

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 10:22

Toh too tiya'mmay, away xaagi yemeeteh yanik oobbeyay! Kilbat le kabuk kaxxa waxxaqa kee deero aba mari yamaate iyyaana'mmay too mari yamaatu waa waqdi, Yuudâ-magaalooli bacarih gacissa heelon. Oson elle sugen arac wakri guub akkele» 'yaanam keenik exce.

Ermiyaas 13:17

Takkay immay, yoh tu gactek, kaa aynabe wayteenik, anu uqurat weeqeyyooh, kaxxa weeqah weeqeyyo. Abah an weeqak yok caxitta ximo weeqi innah oobele. Too weeqa akah abu waam, YALLIH maray seewah marin baaxo beyoonu waanahiyya kinni» iyye.

Ermiyaas 23:2

Yoo YALLAY Israayil doore Dagelta kinnihiyya inni mara dacrisa akak exce marak axceemih, ‹Yi mara madacrisinniton. Fixixih ken rubteeniih baaxok ken baadisseenih. Ta saaku ta umaaney abteenihiyyah sin digaaleyyo› siinik axce.

Ermiyaas 25:37

YALLIH naqbi baaxo keenik bayseeh finqa abe. Amaanah elle sugen baaxo abur abe.

Ermiyaas 6:22

YALLIH qangara yol obteeh yok iyyemii: «Kilbat le kabuk xer baaxok qeebih tamaatu wayta agirwa gitat tan.

Cabakkuk 1:6

Macaay inteenik, Baabelon maray racmatta sinniih, geenimit aseehede waahiyyah abbootan aceeyyo. Ta mari baaxooxat qeebi abaana'gidiiy, carbit yabbixeeni'gidih kulli baaxo fan gexelon.