Ermiyaas 13:18 - NABUWWA KEE MALIKWA

¹⁸ Ermiyaas kaadu qagseh iyyemii, «YALLI yok iyyemii, ‹Ama malik kee kay inak elle tanin dardaarinni korsik ooba keenik inxic. Woh akah excem, oson amot lon dardaarinni kalabta keenik raddeh.

Ermiyaas 13:18 ပူးပေါင်းရင်းမြစ်များ

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

2 Malikwa 24:15

Yahoyaasin kee kay inaay kay agabuuy kay gubal doolat abbobtih yen mara kee Yuudal abbobtih yen marih agantah inkih seewah Yarusalaamak Baabelon fanah bee.

2 Aydaad 33:12

Tokkel too marih gabat biyaakite saaku, YALLAY kaak duma usuk akak rade kay kaxxa abbobti doorehiyyah rammiteeh, isi Dageltal yuduureeh catoh kaa kallace.

2 Aydaad 33:19

Malik Manasse abe dooqa kee Yalli woo dooqa kaak elle oggole'nnaay; toobitaamak duma dambi kee umaanek abeh gide inkih Nabuwwah-Aydaada deqsita kitaabal yan. Usuk toobitaamak duma, bicsiiseh suge diini maleela qibaada elle abta aroocay fayyat raqtahiyyaay, Aseera deqsittaamay yaqbudeenihiyyah astah heenih sugen gurumuuda elle soolise arooca kee, gabak bicsen duyyeeyay yaqbudeenihiyya elle hee arooca inkih, kaadu woo kitaabal yan.

2 Aydaad 33:23

Takkay immay kay abbah innah, rammita numuy YALLA fan yaduurehiyya makkinna. Dambi abittoh isi abbak lafitta axcuk suge.

Yasaqya 3:26

Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Ermiyaas 22:24

YALLI, malik Yahoyaakím-Yahoyaasinik iyyeemih, «Anu waara Dagelta kinniyom teexegek, migdi gabah ferrantoh yok sugta way feerak siibba koo heeh,

Ermiyaas 22:26

Koo kee ku-ina marin baaxo seewah rubsuuseyyo. Siinik num elle aabuke wee baaxo fan sin ruubeyyo. A baaxo sarrah mataduuraanaay, takken nammayak marin baaxoy seewah sin beenihiyyal rabetton» kaak iyye.

Ermiyaas 29:2

Ta warkat yuktubeh ruubem, malik Yahoyaasin kee kay inaay kay gubal taamitak suge doolatak saqoltih yan maraay, Yuudâ-rasu kee Yarusalaam magaalal saqoltih suge maraay, gabâ-naggarinna luk yen mara kee, wohuk kalah tan taamah ixxiga luk yen mara inkih seewah Baabelon rasu beenik sarrak ten.

Ermiyaas 36:16

Kawsak gaba kalla hee waqdi, meysih, mariiy mara keenik wagga hee. Sarrak, «A yab malikih warse waynek, abnam mannu. A yab malik yaabbem tayse» 'yaanam iyyen.

Yacedkel 16:12

Sanat hayta dumam kee aytit hayta duyye kee amot hayta duyye koh baahe.

Yacedkel 21:26

YALLAY Mulki lehiyya iyyaamah, ‹Qumaamat kal. Dardaarinni kalabta kal. Ahaysa dumih inni gaba kaleh; masaakiina abbootan geeleeh; abbobtih suge mari gaca mara akkelon.

Yacedkel 24:17

Sinkibitah koo aabbe waama. Rookat taniimih asta koh takke'gidih, amok qumaamat makalin. Ibak kabella makalin. Foocal saro isik mahan. Rookita mari yakme maaqo maxagin» yok iyye.

Yacedkel 24:23

Qumaamat amok makaltan. Kabel ibak kalla hayteenih ib-qassih magexxan. Maweqtaanaay ximo macaxxan. Kaxxa rookah marookittan. Abten dambih, qakuh uma innah gacca axcetton. Mariiy marat tekkeemih siinik iihisele.

Yacedkel 44:18

Ken qumaamat kee guba haan caari-kala *baftak bicseenim faxximta. Toh akah kinnim, gersi sara xagaral haan waqdi, xooqaanamih sabbata.

Daaniyel 5:20

Takkay immay kaxxa kaxxiina kee isih iyyeemih fayxi baahe waqdi, malikannuk oobeeh luk suge nabna weeh.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.