Ermiyaas 13:13 - NABUWWA KEE MALIKWA

¹³ keenik intamaa, ‹Yoo YALLI a baaxol yan marak Dawuduk raaqe dardaarinna le mara kee, seeka kee nabuwwa kee raqqa 'ye maray Yarusalaamal yanihiyya, kamrik baqqa heenih katla fan amma akah iyyan innah keenik abeyyo.

Ermiyaas 13:13 ပူးပေါင်းရင်းမြစ်များ

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 51:21

Tonna'mmay Yarusalaam maray biyaakat yaniih yiskire marih innah lagaq iyyahiyyaw, oobbeya.

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Ermiyaas 13:12

Ermiyaas kaadu qagseeh iyyemii, «YALLAY Israayil doore Dagelta kinnihiyya yok iyyemii, Israayil marak intaamah, ‹Qinab-kamri edde haan buutitte akah bicsaanam, qinab-kamrik kibaana'gidi› keenik inxic. Too waqdi oson, ‹Toh timixxigeemi› kok iyyeenik,

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 25:29

Ama magaalay yi migaq addal akak yanihiyyat baati ruubam qimbisek, hay, isin gersi maraw, digaalak cattiimettoonum maay akkaluk sugten? Digaala raq siinik matallaay; carbit sin selu waa mara siinit ruubeyyo. Addunyâ bagul yan marak inkih toh abu waama. Tah intam yoo Nabaamak Naba YALLA› 'yaanam keenik inxic» yok iyye.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.