Ermiyaas 13:11 - NABUWWA KEE MALIKWA

¹¹ Saro xagarat sartanah elle haan gurral, anu Israayil kee Yuudâ-mara innim abeeh, innil ken xayyooseh suge. Ken akah abem, yi migaq xagak yoo yassakaxxeenih faylisaana'gidi. Takkay immay oson woo mara makkinnoonuuy, yi yaabat maqal mahaysitinnon› 'yaanam yok iyye» iyye.

Ermiyaas 13:11 ပူးပေါင်းရင်းမြစ်များ

Yasaqya 43:21

Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Ermiyaas 13:1

Ermiyaas iyyeemih, «YALLI iyyemii: ‹Gexay *baftak bicsen meqe-saro xaamma haay tikyah edde gac. Immay lee maxagisin› yok iyye.

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 13:12

Ermiyaas kaadu qagseeh iyyemii, «YALLAY Israayil doore Dagelta kinnihiyya yok iyyemii, Israayil marak intaamah, ‹Qinab-kamri edde haan buutitte akah bicsaanam, qinab-kamrik kibaana'gidi› keenik inxic. Too waqdi oson, ‹Toh timixxigeemi› kok iyyeenik,

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 32:20

Dumî dabaanal ablewaynuh taniimiy qagabak tanihiyya Masri baaxol abe Dagelta kinnitooh, uxih woo qajaaqibih tanim, Israayil kee wohuk kalah yan marih foocal abtem koo. Ta saaku tohuk gexxaamah, Yallaw, koo igma mari mayan.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 6:17

YALLI iyyemii, «Dacayrih sinam siinit hee. Too mari, ‹*Baanta yaagaru waa mara ankacisa› siinik iyyen. Takkay immay yaaguren baantah anay aabbih maqal edde mahannitoonuuy, ‹Aleeyyah mankacisna› inten.

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.

Ermiyaas 7:23

keenik exceemih, ‹Yi yab oobbeya. Yi amri oggola. Toh abteenik, yi mara akkettoonuuh; anu sin Dagelta akkeyyo›, 'yaanam keenik exce. ‹Kullim siinil tamqe'gidih anu siinik inxicca excem aba›, 'yaanam keenik exce.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Qaamus 3:1

Nabi Qaamus iyyeemih, «Israayil ummattay YALLI Masrik yeyyeeqehiyyaw, siinit takku waytaamay YALLI naharal garci siinih akak kalahiyya ankacisa.