Ermiyaas 12:7 - NABUWWA KEE MALIKWA

⁷ YALLI iyyemii, «Anu Israayil marak obboodeh; innih doorite marat darre cabeh an. Ken kiciyyoh immay ken naqboytiitih gabal ken haah an.

Ermiyaas 12:7 ပူးပေါင်းရင်းမြစ်များ

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Ermiyaas 11:15

YALLI kaadu iyyemii, «Yi maray anu kicinuk sugehiyya umam abam ableh anik, hay sugay, yi Qibaadah-Qarih adda culaanamih ruksat keenih teceem iyyaay? Nadri yoh culaanaah, sadgat yoh abaanamah, keenil obtu wayta bala isinnik cate loonum maay yakkalen? Tah ken ruffa haytam tekkek, abbaasitoonay.

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 17:4

A baaxoy siinih eceehiyya akah cabtan innah siinik abeyyooh, aaxige waytan baaxol sin naqboytiitih naqoosa sin abeyyo. Toh siinit akah takku waytam, isin yot ugussen naqabih giray barge waytahiyya kinni» 'yaanam siinik iyye.

Ermiyaas 22:5

Takkay immay yi amri oggole wayteenik, malik-qari abuur abeyyoomuh inni migaaqal siinih xiibita. Tahat yabtam yoo YALLA› 'yaanam siinik iyya.

Ermiyaas 23:33

Ermiyaas iyyemii, YALLI yok iyyeemih, «Tahak wadir yi marih num takkuu, seeka kee nanu nabuwwa kinnino iyya marak numuk teeni, ‹YALLI farmoh maca kol ruube. Ta saaku kaadu quukah maca nel haam faxa?› kok iyyeenik, keenik intamaa, ‹YALLAL quuka tekkem siiniiy; tohuk gexxaamah YALLI sin bayisaamat yemeeteh yan› keenik inxic.

Ermiyaas 23:39

tonnal tahak wadir sin kee isin elle tanin magaalay duma sin kaxxa abbobtih eceeh sugehiyya ukkuqqa heeh baaxot qideyyo. Inni foocak sin kaleyyo.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.

Ermiyaas 7:14

Tonna leemiik duma Siilol baahem, ta saaku kaadu, ta yi migaq elle yan yi Qibaadah-Qariy sin kee sin kaxxa abbobtih eceeh, isin kaxxam amo elle meqitoonuhiyyal baaheyyom ixiga.

Ermiyaas 7:29

«Tohuk gaba kalta waqdi intaamah, ‹Yarusalaam magaalah ummatey, rookita! Amo isinnik moolay muxcah caba. Molten amoh xagorta baaxot qida! Yoo YALLI bagcarriteeh inni mara cineemih sabbatah qaleeli amol keenih weeqay rabe marah abak yenen booge keenih aba› inxic.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Hosiqa 11:1

YALLI iyyeemih, «Israayil qunxuk yen saaku kaa kicinuk en. Tonna leemiik, inni baxih innal, Masrik addak kaah seece.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Ayyuqel 2:15

Siyon qaleh amol *baanta ugura. Sahdak, «Qibaadah gaabooway soomuh gaca» inxica.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.